المعجم الكبير للطبراني

سیدنا سہل بن سعد رضی اللہ عنہ روایت کرتے ہیں کہ رسول اللہ ﷺ بنو عمرو بن عوف کے پاس ان کے درمیان پیش آنے والے ایک جھگڑے کے سلسلے میں تشریف لے گئے۔ اسی دوران عصر کی نماز کا وقت ہو گیا تو سیدنا بلال رضی اللہ عنہ نے کہا: اے ابوبکر! کیا میں اقامت کہوں اور آپ لوگوں کو نماز پڑھائیں؟ چنانچہ بلال رضی اللہ عنہ نے اقامت کہی اور ابوبکر رضی اللہ عنہ آگے بڑھ کر لوگوں کو نماز پڑھانے لگے۔ اتنے میں رسول اللہ ﷺ صفوں کو چیرتے ہوئے تشریف لائے تو لوگ تالی بجانے لگے۔ ابوبکر رضی اللہ عنہ نماز میں کم ہی ادھر ادھر دیکھتے تھے، مگر جب لوگوں نے بہت تالیاں بجائیں تو انہوں نے مڑ کر دیکھا، تو دیکھا کہ رسول اللہ ﷺ صفوں کو چیرتے ہوئے آ رہے ہیں، تو ابوبکر رضی اللہ عنہ پیچھے ہٹے تو نبی کریم ﷺ نے انہیں اشارہ کیا کہ اپنی جگہ ہی رہو، مگر وہ پیچھے ہٹ گئے اور رسول اللہ ﷺ آگے بڑھے اور لوگوں کو نماز پڑھائی۔ جب آپ ﷺ اپنی نماز مکمل کر چکے تو فرمایا: ”اے ابوبکر! جب میں نے تمہیں اشارہ کیا تھا کہ اپنی جگہ کھڑے رہو تو تم کیوں نہ رکے؟“ انہوں نے عرض کیا: ابوقحافہ کے بیٹے کو یہ زیب نہیں دیتا کہ وہ رسول اللہ ﷺ کو نماز پڑھائے۔ پھر آپ ﷺ نے لوگوں سے فرمایا: ”تمہیں کیا ہو گیا کہ جب تمہیں کوئی بات پیش آتی ہے تو تم تالی بجانے لگتے ہو؟ تسبیح کہو، تالی بجانا تو صرف عورتوں کے لیے ہے۔“

سیدنا سہل بن سعد رضی اللہ عنہ سے روایت ہے کہ نبی کریم ﷺ نے فرمایا: ”انہیں عوض دو، چاہے ایک کوڑے کے برابر ہی ہو“، یعنی نکاح کے مہر میں۔