المعجم الكبير للطبراني

سیدنا رکب مصری رضی اللہ عنہ فرماتے ہیں: رسول اللہ ﷺ نے فرمایا: ”خوشخبری ہے اس شخص کے لیے جو بغیر کسی کمی کے تواضع اختیار کرے، جو بغیر تنگدستی کے اپنے آپ کو عاجز رکھے، جو اپنا جمع کیا ہوا مال بغیر گناہ کے خرچ کرے، جو مسکینوں اور محتاجوں پر رحم کرے، اور اہلِ فقہ و حکمت کی صحبت اختیار کرے۔ خوشخبری ہے اس شخص کے لیے جو اپنے آپ کو عاجز رکھے اور اس کی کمائی پاکیزہ ہو، جو اپنے باطن کو درست رکھے اور لوگوں سے اپنا شر روکے۔ خوشخبری ہے اس شخص کے لیے جو اپنے علم پر عمل کرے، اپنے مال کا زائد حصہ خرچ کرے، اور اپنی بات کا زائد حصہ روکے رکھے۔“

سیدنا رکب مصری رضی اللہ عنہ سے روایت ہے کہ رسول اللہ ﷺ نے فرمایا: ”خوشخبری ہے اس کے لیے جو بغیر کسی کمی کے تواضع اختیار کرے، اور بغیر کسی محتاجی کے اپنے آپ کو عاجز رکھے، اور جو مال بغیر گناہ کے کمایا ہو اسے خرچ کرے، اور عاجزوں اور محتاجوں پر رحم کرے، اور اہلِ فقہ و حکمت سے میل جول رکھے۔ خوشخبری ہے اس کے لیے جس کی کمائی پاکیزہ ہو، جس کا باطن درست ہو اور جس کا ظاہر عمدہ ہو، اور جس نے لوگوں سے اپنا شر روک لیا۔ خوشخبری ہے اس کے لیے جس نے علم پر عمل کیا، اپنے مال کی زیادتی خرچ کر دی اور اپنی بات کی زیادتی روک لی۔“