المعجم الكبير للطبراني

سیدنا ربیعہ جرشی رضی اللہ عنہ فرماتے ہیں: رسول اللہ ﷺ نے فرمایا: ”سیدھے رہو، اور اگر تم سیدھے رہو تو کتنا اچھا ہے، اور وضو کی حفاظت کرو، کیونکہ تمہارا سب سے بہتر عمل نماز ہے، اور زمین سے بچ کر رہو کیونکہ وہ تمہاری ماں ہے، اور کوئی شخص اس پر کوئی اچھا یا برا عمل نہیں کرتا مگر وہ اس کی خبر دے گی۔“

…انہوں نے سنا کہ سیدنا ربیعہ جرشی رضی اللہ عنہ کہتے ہیں: نبی اللہ ﷺ کے پاس (خواب میں) آیا گیا اور آپ ﷺ سے کہا گیا: تیری آنکھ سو جائے، تیرا کان سنے اور تیرا دل سمجھے۔ آپ ﷺ نے فرمایا: ”تو میری آنکھ سو گئی، میرے کان نے سنا اور میرے دل نے سمجھا۔“ راوی کہتے ہیں: تو آپ ﷺ سے کہا گیا: ”ایک بادشاہ نے ایک گھر بنایا اور ایک دعوت تیار کی، پھر ایک بلانے والا بھیجا، تو جس نے بلانے والے کی بات مانی وہ گھر میں داخل ہوا اور دعوت سے کھایا، اور بادشاہ اس سے راضی ہوا، اور جس نے بلانے والے کی بات نہ مانی وہ گھر میں داخل نہ ہوا اور دعوت نہ پا سکا، اور بادشاہ اس سے ناراض ہوا۔ تو بادشاہ اللہ ہے، اور بلانے والا محمد ﷺ ہیں، اور دعوت جنت ہے۔“

…اسی سند سے رسول اللہ ﷺ کا یہ فرمان بھی مروی ہے: ”جو خیانت چھپائے ہوئے مالِ غنیمت کو چھپائے، وہ بھی اسی خیانت کرنے والے جیسا ہے۔“