المعجم الكبير للطبراني

عاصم بن عبیداللہ اپنے والد سے روایت کرتے ہیں، وہ فرماتے ہیں: ابوسلامہ سلمی رضی اللہ عنہ ہمارے ہاں ٹھہرے تو ہم نے دو مہینے ان کی مہمان نوازی کی۔

سیدنا خداش ابوسلامہ رضی اللہ عنہ سے روایت ہے کہ نبی کریم ﷺ نے فرمایا: ”میں آدمی کو اس کی ماں کے بارے میں نصیحت کرتا ہوں، میں آدمی کو اس کے باپ کے بارے میں نصیحت کرتا ہوں، میں آدمی کو اس کے سب سے قریبی مولا کے بارے میں نصیحت کرتا ہوں، خواہ اس کی طرف سے اسے کوئی تکلیف ہی کیوں نہ پہنچے۔“

سیدنا خداش ابوسلامہ رضی اللہ عنہ سے روایت ہے، فرماتے ہیں: رسول اللہ ﷺ نے فرمایا: ”میں آدمی کو اس کی ماں کے بارے میں نصیحت کرتا ہوں، میں آدمی کو اس کے باپ کے بارے میں نصیحت کرتا ہوں، میں آدمی کو اس کے سب سے قریبی مولا کے بارے میں نصیحت کرتا ہوں، خواہ اس کی طرف سے اسے کوئی تکلیف ہی کیوں نہ پہنچے۔“

سیدنا ابوسلامہ سلمی رضی اللہ عنہ سے روایت ہے کہ رسول اللہ ﷺ نے فرمایا: ”میں آدمی کو اس کی ماں کے بارے میں نصیحت کرتا ہوں، میں آدمی کو اس کی ماں کے بارے میں نصیحت کرتا ہوں، میں آدمی کو اس کے باپ کے بارے میں نصیحت کرتا ہوں، میں آدمی کو اس کے سب سے قریبی مولا کے بارے میں نصیحت کرتا ہوں، خواہ اس کی طرف سے اسے کوئی تکلیف ہی کیوں نہ پہنچے۔“

سیدنا ابوسلامہ رضی اللہ عنہ سے نبی کریم ﷺ سے اسی طرح کی حدیث مروی ہے۔