المعجم الأوسط

حَدَّثَنَا الْمِقْدَامُ بْنُ دَاوُدَ ، نَا أَسَدُ بْنُ مُوسَى وَعَبْدُ اللهِ بْنُ يُوسُفَ وَالنَّضْرُ بْنُ عَبْدِ الْجَبَّارِ أَبُو الْأَسْوَدِ ، قَالُوا : ثَنَا ابْنُ لَهِيعَةَ ، عَنْ أَبِي الزُّبَيْرِ .
عَنْ جَابِرٍ ، قَالَ : سَمِعْتُ رَسُولَ اللهِ - صَلَّى اللهُ عَلَيْهِ وَسَلَّمَ - يَقُولُ : نَحْنُ يَوْمَ الْقِيَامَةِ عَلَى كَوْمٍ فَوْقَ النَّاسِ ، فَتُدْعَى الْأُمَمُ بِأَوْثَانِهَا وَمَا كَانَتْ تَعْبُدُ الْأَوَّلَ فَالْأَوَّلَ ، حَتَّى يَأْتِيَنَا رَبُّنَا بَعْدَ ذَلِكَ ، فَيَقُولُ : مَا تَنْتَظِرُونَ ؟ فَنَقُولُ : نَنْتَظِرُ رَبَّنَا ، فَيَقُولُ تَبَارَكَ وَتَعَالَى : أَنَا رَبُّكُمْ ، فَيَقُولُونَ : حَتَّى نَنْظُرَ إِلَيْكَ ، فَيَتَجَلَّى لَهُمْ ، ثُمَّ يَنْطَلِقُ وَيَتَّبِعُونَهُ ، ثُمَّ يُعْطَى كُلُّ إِنْسَانٍ مُنَافِقٍ ، وَمُؤْمِنٍ - يَوْمَ يَغْشَاهُ - ظُلَّةً ، ثُمَّ يَتَّبِعُونَهُ مَعَهُمُ الْمُنَافِقُونَ عَلَى جِسْرِ جَهَنَّمَ ، فِيهَا كَلَالِيبُ ، وَحَسَكٌ ، يَأْخُذُونَ مَنْ شَاءَ اللهُ ، ثُمَّ يُطْفَى نُورُ الْمُنَافِقِ ، وَيَنْجُو الْمُؤْمِنُ ، فَيَنْجُو أَوَّلُ زُمْرَةٍ وُجُوهُهُمْ كَالْقَمَرِ لَيْلَةَ الْبَدْرِ ، سَبْعُونَ أَلْفًا لَا يُحَاسَبُونَ ، ثُمَّ الَّذِينَ يَلُونَهُمْ كَأَضْوَإِ نَجْمٍ فِي السَّمَاءِ ، ثُمَّ كَذَلِكَ ، ثُمَّ تَحِلُّ الشَّفَاعَةُ وَيَشْفَعُونَ ، حَتَّى يَخْرُجَ مَنْ قَالَ : لَا إِلَهَ إِلَّا اللهُ وَفِي قَلْبِهِ مِثْقَالُ شَعِيرَةٍ مِنَ الْإِيمَانِ ، فَيُجْعَلُونَ بِفِنَاءِ الْجَنَّةِ ، وَيُهَرِيقُ أَهْلُ الْجَنَّةِ عَلَيْهِمْ مِنَ الْمَاءِ حَتَّى يَنْبُتُوا نَبَاتَ الْغُثَاءِ فِي السَّيْلِ ، ثُمَّ يَسْأَلُوا اللهَ حَتَّى يُجْعَلَ لِأَحَدِهِمْ مِثْلُ مُلْكِ الدُّنْيَا وَعَشَرَةِ أَمْثَالِهَا .

سیدنا جابر رضی اللہ عنہما بیان کرتے ہیں کہ میں نے رسول اللہ ﷺ کو فرماتے ہوئے سنا: ”قیامت کے دن ہم لوگوں کے اوپر ایک اونچے ٹیلے پر ہوں گے، پھر ایک ایک کر کے امتوں کو ان کے بتوں اور ان کے معبودوں کے ساتھ بلایا جائے گا جن کی وہ عبادت کیا کرتی تھیں، پہلی امت پھر اس کے بعد والی۔ پھر اس کے بعد ہمارا رب ہمارے پاس آئے گا اور فرمائے گا: ”تم کس کا انتظار کر رہے ہو؟“ ہم کہیں گے: ”ہم اپنے رب کا انتظار کر رہے ہیں۔“ تو اللہ تبارک وتعالیٰ فرمائے گا: ”میں ہی تمہارا رب ہوں۔“ وہ عرض کریں گے: ”(ہم یقین نہیں کریں گے) یہاں تک کہ ہم آپ کو دیکھ لیں۔“ چنانچہ وہ ان کے سامنے تجلی فرمائے گا۔ پھر وہ چل پڑے گا اور لوگ اس کے پیچھے چلیں گے۔ پھر ہر منافق اور ہر مومن کو، اس دن جب اندھیرا اسے ڈھانپ لے گا، ایک سایہ (نور) دیا جائے گا، پھر وہ سب اس کے پیچھے چلیں گے اور ان کے ساتھ منافقین بھی جہنم کے پل پر ہوں گے، اس پر آنکڑے اور کانٹے ہوں گے جو اللہ جسے چاہے گا پکڑ لیں گے۔ پھر منافق کا نور بجھا دیا جائے گا اور مومن نجات پا جائے گا۔ سب سے پہلے جو گروہ نجات پائے گا ان کے چہرے چودھویں رات کے چاند کی طرح روشن ہوں گے، وہ ستر ہزار ہوں گے جن سے حساب نہیں لیا جائے گا۔ پھر وہ لوگ جو ان کے بعد ہوں گے، آسمان کے سب سے زیادہ چمکدار ستارے کی مانند ہوں گے، پھر اسی طرح اگلے گروہ۔ پھر شفاعت کی اجازت ہو جائے گی اور لوگ سفارش کریں گے، یہاں تک کہ ہر وہ شخص جہنم سے نکل آئے گا جس نے «لَا إِلَهَ إِلَّا اللهُ» کہا اور اس کے دل میں جو کے دانے کے برابر ایمان تھا۔ انہیں جنت کے صحن میں رکھا جائے گا اور جنتی ان پر پانی بہائیں گے یہاں تک کہ وہ ایسے اگ آئیں گے جیسے سیلاب کے کوڑے کرکٹ میں سبزہ اگ آتا ہے۔ پھر وہ اللہ سے مانگیں گے یہاں تک کہ ان میں سے ہر ایک کو دنیا کی بادشاہت کے برابر اور اس سے دس گنا عطا کر دیا جائے گا۔“