المعجم الأوسط

حَدَّثَنَا مُوسَى بْنُ هَارُونَ ، نَا إِسْحَاقُ بْنُ رَاهَوَيْهِ قَالَ : قُلْتُ لِأَبِي أُسَامَةَ : أَحَدَّثَكُمْ أَبُو رَوْقٍ ؟ وَاسْمُهُ : عَطِيَّةُ بْنُ الْحَارِثِ ، حَدَّثَنِي صَالِحُ بْنُ أَبِي طَرِيفٍ قَالَ : سَأَلْتُ أَبَا سَعِيدٍ الْخُدْرِيَّ ، فَقُلْتُ لَهُ : هَلْ سَمِعْتَ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ فِي هَذِهِ الْآيَةِ : رُبَمَا يَوَدُّ الَّذِينَ كَفَرُوا لَوْ كَانُوا مُسْلِمِينَ ؟ قَالَ : نَعَمْ ، سَمِعْتُهُ يَقُولُ : يُخْرِجُ اللهُ نَاسًا مِنَ الْمُؤْمِنِينَ مِنَ النَّارِ ، وَبَعْدَمَا يَأْخُذُ نِقْمَتَهُ مِنْهُمْ . وَقَالَ : I " لَمَّا أَدْخَلَهُمُ اللهُ النَّارَ مَعَ الْمُشْرِكِينَ ، قَالَ لَهُمُ الْمُشْرِكُونَ : تَزْعُمُونَ أَنَّكُمْ أَوْلِيَاءُ اللهِ فِي الدُّنْيَا ، فَمَا بَالُكُمْ مَعَنَا فِي النَّارِ ؟ فَإِذَا سَمِعَ اللهُ ذَلِكَ مِنْهُمْ أَذِنَ فِي الشَّفَاعَةِ لَهُمْ ، فَيَشْفَعُ الْمَلَائِكَةُ وَالنَّبِيُّونَ ، وَيَشْفَعُ الْمُؤْمِنُونَ حَتَّى يَخْرُجُوا بِإِذْنِ اللهِ ، فَإِذَا رَأَى الْمُشْرِكُونَ ذَلِكَ ، قَالُوا : لَيْتَنَا كُنَّا مِثْلَهُمْ فَتُدْرِكَنَا الشَّفَاعَةُ ، فَنَخْرُجَ مَعَهُمْ I " . قَالَ : I " فَذَلِكَ قَوْلُ اللهِ : رُبَمَا يَوَدُّ الَّذِينَ كَفَرُوا لَوْ كَانُوا مُسْلِمِينَ فَيُسَمَّوْنَ فِي الْجَنَّةِ الْجَهَنَّمِيِّينَ مِنْ أَجْلِ سَوَادٍ فِي وُجُوهِهِمْ ، فَيَقُولُونَ : يَا رَبِّ ، أَذْهِبْ عَنَّا هَذَا الِاسْمَ ، فَيَأْمُرُهُمْ فَيَغْتَسِلُونَ فِي نَهَرِ الْجَنَّةِ ، فَيَذْهَبُ ذَلِكَ الِاسْمُ عَنْهُمْ . فَأَقَرَّ بِهِ أَبُو أُسَامَةَ ، وَقَالَ : نَعَمْ .

امام اسحاق بن راہویہ رحمہ اللہ بیان کرتے ہیں کہ میں نے ابو اسامہ سے کہا: ”کیا ابو روق، جن کا نام عطیہ بن حارث ہے، نے آپ لوگوں سے یہ بیان کیا کہ مجھ سے صالح بن ابی طریف رحمہ اللہ نے بیان کیا، وہ کہتے ہیں کہ میں نے سیدنا ابوسعید خدری رضی اللہ عنہ سے پوچھا: کیا آپ نے رسول اللہ ﷺ کو اس آیت کے بارے میں کچھ فرماتے سنا ہے: ﴿کسی وقت کافر آرزو کریں گے کہ کاش وہ مسلمان ہوتے﴾؟ انہوں نے فرمایا: ہاں، میں نے آپ ﷺ کو فرماتے سنا: ”اللہ تعالیٰ ایمان والوں میں سے کچھ لوگوں کو جہنم سے نکالے گا، اس کے بعد کہ ان سے اپنا انتقام لے چکا ہوگا۔“ اور فرمایا: ”جب اللہ تعالیٰ انہیں مشرکوں کے ساتھ جہنم میں داخل کرے گا تو مشرک ان سے کہیں گے: تم تو دنیا میں اپنے آپ کو اللہ کے دوست سمجھتے تھے، پھر تمہارا کیا حال ہے کہ ہمارے ساتھ جہنم میں ہو؟ جب اللہ تعالیٰ ان کی یہ بات سنے گا تو ان کے لیے شفاعت کی اجازت دے دے گا، چنانچہ فرشتے اور انبیاء شفاعت کریں گے اور مومن بھی شفاعت کریں گے، یہاں تک کہ وہ اللہ کے حکم سے نکل آئیں گے۔ جب مشرک یہ منظر دیکھیں گے تو کہیں گے: کاش ہم بھی ان جیسے ہوتے تو ہمیں بھی شفاعت پہنچ جاتی اور ہم بھی ان کے ساتھ نکل آتے۔“ آپ ﷺ نے فرمایا: ”یہی مطلب ہے اللہ کے اس فرمان کا: ﴿کسی وقت کافر آرزو کریں گے کہ کاش وہ مسلمان ہوتے﴾۔ پھر جنت میں ان لوگوں کو ان کے چہروں پر پڑے سیاہ نشانوں کی وجہ سے ’جہنمی‘ کہا جائے گا، تو وہ عرض کریں گے: اے ہمارے رب! یہ نام ہم سے دور فرما دے۔ چنانچہ اللہ تعالیٰ انہیں حکم دے گا تو وہ جنت کی نہر میں غسل کریں گے اور ان سے یہ نام ختم ہو جائے گا۔“ تو ابو اسامہ نے اس کا اقرار کیا اور کہا: ”ہاں۔“