المعجم الأوسط

حَدَّثَنَا مُحَمَّدُ بْنُ أَبَانَ ، نَا إِبْرَاهِيمُ بْنُ سُوَيْدٍ الْجُذُوعِيُّ ، ثَنَا عَامِرُ بْنُ مُدْرِكٍ ، ثَنَا فُضَيْلُ بْنُ مَرْزُوقٍ ، عَنْ عَطِيَّةَ ، عَنْ أَبِي سَعِيدٍ قَالَ : قَالَ رَسُولُ اللهِ صَلَّى اللهُ عَلَيْهِ وَسَلَّمَ : أُعْطِيتُ خَمْسًا لَمْ يُعْطَهَا نَبِيٌّ قَبْلِي : بُعِثْتُ إِلَى الْأَحْمَرِ وَالْأَسْوَدِ ، وَإِنَّمَا كَانَ النَّبِيُّ يُبْعَثُ إِلَى قَوْمِهِ ، وَنُصِرْتُ بِالرُّعْبِ مَسِيرَةَ شَهْرٍ ، وَأُطْعِمْتُ الْمَغْنَمَ ، وَلَمْ يُطْعَمْهُ أَحَدٌ كَانَ قَبْلِي ، وَجُعِلَتْ لِيَ الْأَرْضُ مَسْجِدًا وَطَهُورًا ، وَلَيْسَ مِنْ نَبِيٍّ إِلَّا وَقَدْ أُعْطِيَ دَعْوَةً فَتَعَجَّلَهَا ، وَإِنِّي أَخَّرْتُ دَعْوَتِي شَفَاعَةً لِأُمَّتِي ، وَهِيَ بَالِغَةٌ - إِنْ شَاءَ اللهُ - مَنْ مَاتَ لَا يُشْرِكُ بِاللهِ شَيْئًا I " .
لَمْ يَرْوِ هَذَا الْحَدِيثَ عَنْ فُضَيْلٍ إِلَّا عَامِرُ بْنُ مُدْرِكٍ I " .

سیدنا ابوسعید رضی اللہ عنہ سے روایت ہے کہ رسول اللہ ﷺ نے فرمایا: ”مجھے پانچ ایسی چیزیں عطا کی گئی ہیں جو مجھ سے پہلے کسی نبی کو نہیں دی گئیں: میں سرخ اور سیاہ (تمام انسانوں) کی طرف مبعوث کیا گیا ہوں، جبکہ پہلے نبی صرف اپنی ہی قوم کی طرف مبعوث کیے جاتے تھے؛ ایک ماہ کی مسافت تک (دشمن کے دل میں) رعب کے ذریعے میری مدد کی گئی ہے؛ میرے لیے مالِ غنیمت کو حلال کر دیا گیا ہے، جبکہ مجھ سے پہلے کسی کے لیے اسے حلال نہیں کیا گیا تھا؛ میرے لیے زمین کو سجدہ گاہ اور پاکیزگی کا ذریعہ بنا دیا گیا ہے؛ اور ہر نبی کے لیے ایک (ایسی مقبول) دعا تھی جو اس نے (دنیا ہی میں) جلد مانگ لی، جبکہ میں نے اپنی دعا کو اپنی امت کی شفاعت کے لیے سنبھال کر رکھا ہے، اور «إن شاء الله» وہ اس شخص کو فائدہ پہنچے گی جو اس حال میں فوت ہوا کہ اللہ کے ساتھ کسی چیز کو شریک نہیں ٹھہراتا تھا۔“
”فضیل (بن مرزوق) سے اس حدیث کو عامر بن مدرک کے علاوہ کسی نے روایت نہیں کیا۔“