المعجم الأوسط

حَدَّثَنَا مُحَمَّدُ بْنُ رُزَيْقٍ ، ثَنَا أَبُو الطَّاهِرِ ، ثَنَا سَلَامَةُ بْنُ رَوْحٍ الْأَيْلِيُّ ، ابْنُ أَخِي عُقَيْلِ بْنِ خَالِدٍ ، عَنْ عُقَيْلٍ ، عَنِ ابْنِ شِهَابٍ أَخْبَرَنِي أَنَسُ بْنُ مَالِكٍ الْأَنْصَارِيُّ ، قَالَ : بَيْنَمَا أَنَا أَسِيرُ مَعَ رَسُولِ اللهِ صَلَّى اللهُ عَلَيْهِ وَسَلَّمَ ، إِذْ هَبَطَتْ بِهِ رَاحِلَتُهُ مِنْ ثَنِيَّةٍ ، وَرَسُولُ اللهِ صَلَّى اللهُ عَلَيْهِ وَسَلَّمَ يَسِيرُ وَحْدَهُ ، فَلَمَّا أَسْهَلَتْ بِهِ الطَّرِيقَ ضَحِكَ وَكَبَّرَ ، فَكَبَّرْنَا لِتَكْبِيرِهِ ، ثُمَّ سَارَ رَتْوَةً ، ثُمَّ ضَحِكَ وَكَبَّرَ ، فَكَبَّرْنَا لِتَكْبِيرِهِ ، ثُمَّ أَدْرَكْنَاهُ ، فَقَالَ الْقَوْمُ : يَا رَسُولَ اللهِ كَبَّرْنَا لِتَكْبِيرِكَ ، وَلَا نَدْرِي مِمَّ ضَحِكْتَ ، قَالَ : قَادَ النَّاقَةَ لِي جِبْرِيلُ عَلَيْهِ السَّلَامُ ، فَلَمَّا أَسْهَلَتِ الْتَفَتَ إِلَيَّ ، فَقَالَ : أَبْشِرْ وَبَشِّرْ أُمَّتَكَ أَنَّهُ مَنْ قَالَ : لَا إِلَهَ إِلَّا اللهُ وَحْدَهُ لَا شَرِيكَ لَهُ دَخَلَ الْجَنَّةَ ، وَقَدْ حَرَّمَ اللهُ عَلَيْهِ النَّارَ ، فَضَحِكْتُ وَكَبَّرْتُ ، فَفَرِحْتُ بِذَلِكَ لِأُمَّتِي .
I " لَمْ يَرْوِ هَذَا الْحَدِيثَ عَنِ الزُّهْرِيِّ إِلَّا عُقَيْلٌ ، وَلَا عَنْ عُقَيْلٍ إِلَّا سَلَامَةُ بْنُ رَوْحٍ ، تَفَرَّدَ بِهِ أَبُو الطَّاهِرِ I " .

سیدنا انس بن مالک انصاری رضی اللہ عنہ سے روایت ہے کہ انہوں نے فرمایا: ”میں رسول اللہ ﷺ کے ساتھ سفر کر رہا تھا کہ اسی دوران آپ ﷺ کی سواری ایک گھاٹی سے نیچے اتری، اور رسول اللہ ﷺ تنہا چل رہے تھے، پس جب راستہ ہموار ہوا تو آپ ﷺ مسکرائے اور تکبیر کہی، تو ہم نے بھی آپ ﷺ کی تکبیر کی وجہ سے تکبیر کہی، پھر آپ ﷺ کچھ دور چلے، پھر دوبارہ مسکرائے اور تکبیر کہی، تو ہم نے بھی آپ ﷺ کی تکبیر کی وجہ سے تکبیر کہی، پھر ہم آپ ﷺ کے پاس پہنچ گئے تو لوگوں نے عرض کیا: اے اللہ کے رسول! ہم نے آپ کی تکبیر سن کر تکبیر تو کہی لیکن ہمیں یہ معلوم نہیں ہوسکا کہ آپ کس بات پر مسکرائے تھے؟ آپ ﷺ نے فرمایا: ”جبرائیل علیہ السلام میری اونٹنی کی نکیل تھام کر اسے لے جا رہے تھے، پس جب راستہ ہموار ہوا تو انہوں نے میری طرف التفات کیا اور کہا: آپ کو خوشخبری ہو اور اپنی امت کو بھی یہ نوید سنا دیں کہ جس نے یہ کہا: «لَا إِلَهَ إِلَّا اللهُ وَحْدَهُ لَا شَرِيكَ لَهُ» ”اللہ کے سوا کوئی معبودِ برحق نہیں، وہ اکیلا ہے، اس کا کوئی شریک نہیں“، وہ جنت میں داخل ہو گیا اور اللہ نے اس پر آگ کو حرام کر دیا ہے؛ تو میں اسی وجہ سے مسکرایا اور میں نے تکبیر کہی، اور میں اپنی امت کے لیے اس بات پر بہت خوش ہوا۔“ “
امام طبرانی رحمہ اللہ فرماتے ہیں: ”اس حدیث کو زہری رحمہ اللہ سے صرف عقیل رحمہ اللہ نے، اور عقیل رحمہ اللہ سے صرف سلامہ بن روح رحمہ اللہ نے روایت کیا ہے، اور ابوالطاہر رحمہ اللہ اسے بیان کرنے میں منفرد ہیں۔“