المعجم الأوسط
باب الألف— حرفِ الف سے شروع ہونے والے ناموں کا بیان۔
مَنِ اسْمُهُ أَحْمَدُ باب: ان راویوں کا بیان جن کا نام احمد ہے۔
وَبِإِسْنَادِهِ عَنْ أُبَيِّ بْنِ كَعْبٍ ، أَنَّهُ قَالَ : يَا رَسُولَ اللهِ ، مَا جَزَاءُ الْحُمَّى ؟ قَالَ : تَجْرِي الْحَسَنَاتُ عَلَى صَاحِبِهَا مَا اخْتَلَجَ عَلَيْهِ قَدَمٌ ، أَوْ ضَرَبَ عَلَيْهِ عِرْقٌ I " ، فَقَالَ : اللَّهُمَّ إِنِّي أَسْأَلُكَ حُمَّى لَا تَمْنَعُنِي خُرُوجًا فِي سَبِيلِكَ ، وَلَا خُرُوجًا إِلَى بَيْتِكَ ، وَلَا مَسْجِدِ نَبِيِّكَ ، فَلَمْ يُمَسَّ أُبَيٌّ قَطُّ إِلَّا وَبِهِ حُمَّى .
لَمْ يَرْوِ هَذَيْنِ الْحَدِيثَيْنِ عَنْ مُعَاذِ بْنِ مُحَمَّدِ بْنِ أُبَيٍّ ، إِلَّا مُحَمَّدُ بْنُ عِيسَى الطَّبَّاعُ .
سیدنا ابی بن کعب رضی اللہ عنہ سے روایت ہے کہ انہوں نے عرض کیا: ”اے اللہ کے رسول ﷺ! بخار کا کیا اجر ہے؟“ آپ ﷺ نے فرمایا: ”جب تک (بوجہ نقاہت) اس کا پاؤں لڑکھڑاتا رہے یا کوئی رگ تڑپتی رہے، صاحبِ بخار کے لیے نیکیاں جاری رہتی ہیں۔“ تب انہوں نے عرض کیا: «اللَّهُمَّ إِنِّي أَسْأَلُكَ حُمَّى لَا تَمْنَعُنِي خُرُوجًا فِي سَبِيلِكَ ، وَلَا خُرُوجًا إِلَى بَيْتِكَ ، وَلَا مَسْجِدِ نَبِيِّكَ» ”اے اللہ! میں تجھ سے ایسے بخار کا سوال کرتا ہوں جو مجھے تیرے راستے میں نکلنے سے، تیرے گھر (کعبہ) کی طرف جانے سے اور تیرے نبی کی مسجد کی طرف جانے سے نہ روکے۔“ چنانچہ اس کے بعد سیدنا ابی رضی اللہ عنہ کو جب بھی چھوا جاتا تو انہیں بخار ہی ہوتا تھا۔
ان دونوں حدیثوں کو معاذ بن محمد بن ابی رحمہ اللہ سے صرف محمد بن عیسیٰ الطباع رحمہ اللہ ہی نے روایت کیا ہے۔