المعجم الأوسط

حَدَّثَنَا بَكْرٌ ، قَالَ : نَا عَبْدُ اللهِ بْنُ يُوسُفَ ، قَالَ : نَا عَبْدُ اللهِ بْنُ سَالِمٍ الْحِمْصِيُّ ، قَالَ : نَا إِبْرَاهِيمُ بْنُ أَبِي عَبْلَةَ قَالَ : كُنْتُ جَالِسًا بِأَرِيحَا ، فَمَرَّ بِي وَاثِلَةُ بْنُ الْأَسْقَعِ مُتَوَكِّئًا عَلَى عَبْدِ اللهِ بْنِ الدَّيْلَمِيِّ ، فَأَجْلَسَهُ ، ثُمَّ جَاءَ إِلَيَّ ، فَقَالَ : عَجَبًا مَا حَدَّثَنِي الشَّيْخُ ، يَعْنِي : وَاثِلَةَ ، قُلْتُ : مَا حَدَّثَكَ ؟ قَالَ : كُنَّا مَعَ النَّبِيِّ صَلَّى اللهُ عَلَيْهِ وَسَلَّمَ فِي غَزْوَةِ تَبُوكَ ، فَأَتَاهُ نَفَرٌ مِنْ بَنِي سُلَيْمٍ ، فَقَالُوا : يَا رَسُولَ اللهِ ، إِنَّ صَاحِبَنَا قَدْ أَوْجَبَ ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ : أَعْتِقُوا عَنْهُ رَقَبَةً يُعْتِقِ اللهُ بِكُلِّ عُضْوٍ مِنْهَا عُضْوًا مِنْهُ مِنَ النَّارِ .

ابراہیم بن ابی عبلہ رحمہ اللہ بیان کرتے ہیں کہ میں اریحا میں بیٹھا ہوا تھا کہ سیدنا واثلہ بن اسقع رضی اللہ عنہ میرے پاس سے گزرے، وہ عبد اللہ بن دیلمی رحمہ اللہ کے سہارے ٹیک لگائے ہوئے تھے؛ انہوں نے انہیں بٹھایا، پھر وہ (عبد اللہ) میرے پاس آئے اور کہا: ”شیخ (یعنی سیدنا واثلہ رضی اللہ عنہ) نے مجھے جو حدیث سنائی ہے وہ بڑی عجیب ہے!“
میں نے پوچھا: ”انہوں نے آپ سے کیا بیان کیا؟“ انہوں نے کہا کہ سیدنا واثلہ رضی اللہ عنہ نے فرمایا: ”ہم غزوہ تبوک میں نبی ﷺ کے ساتھ تھے کہ آپ ﷺ کے پاس بنو سلیم کے کچھ لوگ حاضر ہوئے اور عرض کی: ”اے اللہ کے رسول! ہمارے ایک ساتھی نے (اپنے گناہ کی وجہ سے جہنم کو) واجب کر لیا ہے“، تو رسول اللہ ﷺ نے فرمایا: ”اس کی طرف سے ایک گردن (غلام) آزاد کرو، اللہ تعالیٰ اس (غلام) کے ہر عضو کے بدلے اس (شخص) کے ایک عضو کو آگ سے آزاد کر دے گا۔““