المعجم الأوسط
باب الألف— حرفِ الف سے شروع ہونے والے ناموں کا بیان۔
مَنِ اسْمُهُ أَحْمَدُ باب: ان راویوں کا بیان جن کا نام احمد ہے۔
حَدَّثَنَا أَحْمَدُ بْنُ رِشْدِينَ قَالَ : نَا مُحَمَّدُ بْنُ رَاشِدٍ الْمِصْرِيُّ قَالَ : نَا رِشْدِينُ بْنُ سَعْدٍ ، عَنِ الْأَوْزَاعِيِّ ، عَنْ حَسَّانَ بْنِ عَطِيَّةَ ، عَنْ مُحَمَّدِ بْنِ أَبِي عَائِشَةَ قَالَ :
حَدَّثَنِي أَبُو هُرَيْرَةَ قَالَ : قَالَ أَبُو ذَرٍّ : يَا رَسُولَ اللهِ ، ذَهَبَ أَهْلُ الدُّثُورِ بِالْأَجْرِ ، يُصَلُّونَ كَمَا نُصَلِّي ، وَيَصُومُونَ كَمَا نَصُومُ ، وَلَهُمْ فُضُولُ أَمْوَالٍ ، وَلَيْسَ لَنَا مَا نَتَصَدَّقُ بِهِ ، فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ - : يَا أَبَا ذَرٍّ ، أَلَا أُعَلِّمُكَ كَلِمَاتٍ تُدْرِكُ مَنْ سَبَقَكَ وَلَا يَلْحَقُكَ مَنْ خَلْفَكَ إِلَّا مَنْ أَخَذَ بِمِثْلِ عَمَلِكَ ؟ I " قَالَ : بَلَى يَا رَسُولَ اللهِ قَالَ : I " كَبِّرِ اللهَ دُبُرَ كُلِّ صَلَاةٍ ثَلَاثًا وَثَلَاثِينَ ، وَاحْمَدْهُ ثَلَاثًا وَثَلَاثِينَ ، وَسَبِّحْهُ ثَلَاثًا وَثَلَاثِينَ ، وَتَخْتِمُهُ بِلَا إِلَهَ إِلَّا اللهُ وَحْدَهُ لَا شَرِيكَ لَهُ ، لَهُ الْمُلْكُ وَلَهُ الْحَمْدُ ، وَهُوَ عَلَى كُلِّ شَيْءٍ قَدِيرٌ .
لَمْ يَرْوِ هَذَا الْحَدِيثَ عَنِ الْأَوْزَاعِيِّ إِلَّا رِشْدِينُ .
سیدنا ابوہریرہ رضی اللہ عنہ سے روایت ہے کہ سیدنا ابوذر رضی اللہ عنہ نے عرض کیا: ”اے اللہ کے رسول! زیادہ مال و دولت والے لوگ اجر و ثواب لے گئے، وہ اسی طرح نماز پڑھتے ہیں جیسے ہم پڑھتے ہیں اور اسی طرح روزے رکھتے ہیں جیسے ہم رکھتے ہیں، ان کے پاس زائد مال ہے (جس سے وہ صدقہ کرتے ہیں) جبکہ ہمارے پاس ایسا مال نہیں کہ ہم صدقہ کر سکیں“
رسول اللہ ﷺ نے فرمایا: ”اے ابوذر! کیا میں تمہیں ایسے کلمات نہ سکھاؤں جن کے ذریعے تم ان لوگوں کو پا لو گے جو تم سے سبقت لے گئے اور تمہارے بعد کوئی بھی تم تک نہیں پہنچ سکے گا، سوائے اس شخص کے جو تمہارے جیسا عمل کرے؟“
انہوں نے عرض کیا: ”کیوں نہیں، اے اللہ کے رسول!“
آپ ﷺ نے فرمایا: ”تم ہر نماز کے بعد تینتیس مرتبہ اللہ کی بڑائی بیان کرو، تینتیس مرتبہ اس کی حمد بیان کرو اور تینتیس مرتبہ اس کی تسبیح کرو، اور اس کا اختتام «لَا إِلَهَ إِلَّا اللهُ وَحْدَهُ لَا شَرِيكَ لَهُ ، لَهُ الْمُلْكُ وَلَهُ الْحَمْدُ ، وَهُوَ عَلَى كُلِّ شَيْءٍ قَدِيرٌ» ”اللہ کے سوا کوئی معبودِ برحق نہیں، وہ اکیلا ہے، اس کا کوئی شریک نہیں، اسی کی بادشاہی ہے اور اسی کے لیے تمام تعریف ہے، اور وہ ہر چیز پر پوری قدرت رکھنے والا ہے“ پر کرو۔“
امام طبرانی رحمہ اللہ فرماتے ہیں: ”اس حدیث کو اوزاعی رحمہ اللہ سے صرف رشدین رحمہ اللہ ہی نے روایت کیا ہے۔“