المعجم الأوسط

وَعَنْ أَنَسِ بْنِ مَالِكٍ ، قَالَ : أَصَابَ أَهْلَ الْمَدِينَةِ قَحْطٌ وَمَجَاعَةٌ شَدِيدَةٌ ، فَقَامَ رَسُولُ اللهِ - صَلَّى اللهُ عَلَيْهِ وَسَلَّمَ - عَلَى الْمِنْبَرِ ، فَخَطَبَ يَوْمَ الْجُمُعَةِ ، فَقَامَ نَاسٌ ، فَقَالُوا : يَا رَسُولَ اللهِ ، هَلَكَتِ الْأَمْوَالُ ، وَخَشِينَا الْهَلَاكَ عَلَى أَنْفُسِنَا ، وَغَلَا السِّعْرُ وَقَحَطَ الْمَطَرُ ، ادْعُ اللهَ أَنْ يَسْقِيَنَا ، قَالَ أَنَسٌ : وَمَا أَرَى فِي السَّمَاءِ مِنْ بَيْضَاءَ ، فَمَدَّ يَدَهُ - صَلَّى اللهُ عَلَيْهِ وَسَلَّمَ - فَدَعَا ، فَوَاللهِ مَا ضَمَّ إِلَيْهِ يَدَهُ حَتَّى رَأَيْتُ السَّحَابَ يَجِيءُ مِنْ هَاهُنَا وَمِنْ هَاهُنَا ، وَصَارَتْ رُكَامًا ، ثُمَّ سَالَتْ سَبْعَةَ أَيَّامٍ ، حَتَّى وَاللهِ إِنَّ الرَّجُلَ الشَّابَّ لَيَهِمُّ أَنْ يَرْجِعَ إِلَى أَهْلِهِ مِنْ شِدَّةِ الْمَطَرِ .
فَلَمَّا كَانَتِ الْجُمُعَةُ الْأُخْرَى ، وَخَطَبَ النَّبِيُّ - صَلَّى اللهُ عَلَيْهِ وَسَلَّمَ - قَامَ نَاسٌ مِنَ الْمَسْجِدِ ، فَقَالُوا : يَا رَسُولَ اللهِ ، تَهَدَّمَتِ الْبُيُوتُ ، وَانْقَطَعَتِ الطُّرُقُ ، ادْعُ اللهَ أَنْ يَحْبِسَهَا عَنَّا ، فَرَأَيْتُ رَسُولَ اللهِ - صَلَّى اللهُ عَلَيْهِ وَسَلَّمَ - تَبَسَّمَ ، فَرَفَعَ يَدَيْهِ ، فَقَالَ : حَوَالَيْنَا وَلَا عَلَيْنَا .
قَالَ أَنَسٌ : فَمَا أَرَى فِي السَّمَاءِ مِنْ خَضْرَاءَ ، فَلَا وَاللهِ ، مَا قَبَضَ يَدَهُ حَتَّى رَأَيْتُ السَّمَاءَ تَتَقَطَّعُ مِنْ هَاهُنَا وَهَاهُنَا عَنِ الْمَدِينَةِ ، فَأَصْبَحَتْ وَإِنَّ مَا حَوْلَهَا كَوْرٌ .
لَمْ يَرْوِ هَذَيْنِ الْحَدِيثَيْنِ عَنْ عِمْرَانَ الْقَطَّانِ إِلَّا عَبْدُ اللهِ بْنُ رَجَاءٍ .

سیدنا انس بن مالک رضی اللہ عنہ بیان کرتے ہیں کہ اہلِ مدینہ پر سخت قحط اور بھوک کی حالت آ پڑی، چنانچہ رسول اللہ ﷺ جمعہ کے دن منبر پر کھڑے خطبہ دے رہے تھے کہ کچھ لوگ کھڑے ہوئے اور عرض کیا: ”اے اللہ کے رسول! مال و مویشی ہلاک ہو گئے، ہمیں اپنی جانوں کی ہلاکت کا اندیشہ ہو گیا ہے، نرخ بہت بڑھ گئے ہیں اور بارش رک گئی ہے، آپ اللہ سے دعا کیجیے کہ وہ ہمیں سیراب فرمائے۔“ سیدنا انس رضی اللہ عنہ کہتے ہیں: آسمان میں مجھے بادل کا کوئی سفید ٹکڑا تک دکھائی نہیں دے رہا تھا، پھر نبی کریم ﷺ نے اپنا ہاتھ (دعا کے لیے) پھیلایا اور دعا فرمائی، اللہ کی قسم! آپ ﷺ نے ابھی اپنا ہاتھ واپس سمیٹا بھی نہ تھا کہ میں نے دیکھا کہ بادل ادھر ادھر سے آ رہے ہیں اور تہ در تہ جمع ہو گئے، پھر سات دن تک مسلسل بارش برستی رہی، یہاں تک کہ اللہ کی قسم! بارش کی شدت کے سبب ایک جوان آدمی کو بھی اپنے گھر والوں کے پاس لوٹنے کی فکر لاحق ہو جاتی تھی۔
پھر جب اگلا جمعہ آیا اور نبی کریم ﷺ خطبہ دے رہے تھے تو مسجد میں سے کچھ لوگ کھڑے ہوئے اور عرض کیا: ”اے اللہ کے رسول! گھر گر گئے اور راستے کٹ گئے، آپ اللہ سے دعا کیجیے کہ وہ اس بارش کو ہم سے روک دے۔“ میں نے دیکھا کہ رسول اللہ ﷺ مسکرائے، پھر اپنے دونوں ہاتھ اٹھائے اور دعا فرمائی: ”ہمارے اردگرد (برسا)، ہم پر نہ (برسا)۔“
سیدنا انس رضی اللہ عنہ کہتے ہیں: (اس وقت) آسمان میں مجھے (بادلوں کے سوا) صاف آسمان کا کوئی ٹکڑا دکھائی نہیں دیتا تھا، پس اللہ کی قسم! آپ ﷺ نے ابھی اپنا ہاتھ نیچے نہ کیا تھا کہ میں نے دیکھا کہ آسمان مدینہ کے اوپر سے ادھر ادھر چھٹ رہا ہے، چنانچہ صبح ہوئی تو مدینہ کے اردگرد (بادل) تاج کی طرح گول دائرے کی صورت میں تھے۔
امام طبرانی رحمہ اللہ فرماتے ہیں: ”ان دونوں حدیثوں کو عمران قطان سے عبداللہ بن رجاء کے سوا کسی نے روایت نہیں کیا۔“