المعجم الأوسط

وَعَنْ زَيْدٍ عَنْ يَحْيَى بْنِ الْحُصَيْنِ . عَنْ جَدَّتِهِ أُمِّ الْحُصَيْنِ قَالَتْ : حَجَجْتُ مَعَ رَسُولِ اللهِ -صَلَّى اللهُ عَلَيْهِ وَسَلَّمَ- حَجَّةَ الْوَدَاعِ ، فَرَأَيْتُ بِلَالًا وَأُسَامَةَ ، وَبِلَالٌ يَقُودُ بِخِطَامِ رَاحِلَتِهِ ، وَالْآخَرُ رَافِعًا ثَوْبَهُ يَسْتُرُهُ بِهِ مِنَ الْحَرِّ ، حَتَّى رَمَى جَمْرَةَ الْعَقَبَةِ ، ثُمَّ انْصَرَفَ وَقَدْ جَعَلَ ثَوْبَهُ تَحْتَ إِبْطِهِ الْأَيْمَنِ عَلَى عَاتِقِهِ الْأَيْسَرِ ، فَرَأَيْتُ عُرْصُوفَ كَتِفِهِ الْأَيْمَنِ كَهَيْئَةِ جَمْعٍ ، فَوَقَفَ عَلَى النَّاسِ ، فَقَالَ قَوْلًا كَثِيرًا ، فَكَانَ مِمَّا قَالَ : إِنْ أُمِّرَ عَلَيْكُمْ عَبْدٌ أَسْوَدُ مُجَدَّعٌ يَقُودُكُمْ بِكِتَابِ اللهِ ، فَاسْمَعُوا لَهُ وَأَطِيعُوا .

سیدہ ام حصین رضی اللہ عنہا سے روایت ہے کہ انہوں نے فرمایا: ”میں نے رسول اللہ ﷺ کے ساتھ حجۃ الوداع کیا، پس میں نے سیدنا بلال اور سیدنا اسامہ رضی اللہ عنہما کو دیکھا کہ سیدنا بلال رضی اللہ عنہ آپ ﷺ کی اونٹنی کی نکیل تھامے اسے آگے لے جا رہے تھے اور دوسرے (سیدنا اسامہ رضی اللہ عنہ) نے اپنا کپڑا بلند کر رکھا تھا جس سے وہ آپ ﷺ کو تپش سے بچانے کے لیے سایہ کر رہے تھے، یہاں تک کہ آپ ﷺ نے جمرہ عقبہ کی رمی فرمائی۔ پھر آپ ﷺ وہاں سے واپس ہوئے جبکہ آپ ﷺ نے اپنا کپڑا اپنی دائیں بغل کے نیچے سے نکال کر بائیں کندھے پر ڈال رکھا تھا، تو میں نے آپ ﷺ کے دائیں کندھے کی ہڈی کا ابھار دیکھا جو بند مٹھی کی مانند (نمایاں) تھا۔ پھر آپ ﷺ لوگوں کے سامنے ٹھہرے اور بہت سے ارشادات فرمائے، آپ ﷺ کے فرامین میں سے ایک یہ تھا: ”اگر تم پر کوئی ایسا کالا حبشی غلام بھی امیر مقرر کر دیا جائے جس کے اعضاء کٹے ہوئے ہوں اور وہ اللہ کی کتاب کے مطابق تمہاری قیادت کرے، تو اس کی بات سنو اور اس کی اطاعت کرو۔““