المطالب العالية بزوائد المسانيد الثمانية

سیدنا جابر بن عمرو رضی اللہ عنہ سے روایت ہے کہ نبی کریم ﷺ کی خدمتِ اقدس میں تھوڑا سا پانی لایا گیا، تو آپ ﷺ نے ”برتن کے اندر ہی وضو فرمایا، پھر اس (بچے ہوئے پانی) کے متعلق حکم دیا تو اسے تمام لوگوں پر چھڑک دیا گیا“، پس ہم میں سے جس کسی کو بھی وہ پانی پہنچا اس نے اپنے تئیں اسے بڑی خوش بختی اور سعادت مندی خیال کیا؛ راوی کہتے ہیں کہ میرا گمان ہے کہ وہ پانی تمام حاضرین کو پہنچ گیا تھا، پھر آپ ﷺ نماز کے لیے کھڑے ہوئے اور انہیں صبح کی نماز پڑھائی؛ اور اس حدیث کی سند میں ایک غیر معروف شیخ موجود ہے۔

سیدہ خولہ بنتِ قیس رضی اللہ عنہا سے روایت ہے کہ انہوں نے بیان کیا: ”میرا ہاتھ اور رسول اللہ ﷺ کا دستِ مبارک ایک ہی برتن میں (پانی لینے کے لیے) باری باری پڑ رہے تھے۔“