المطالب العالية بزوائد المسانيد الثمانية

وَقَالَ أَبُو يَعْلَى : حَدَّثَنَا مُحَمَّدُ بْنُ إِبْرَاهِيمَ الشَّامِيُّ ، ثَنَا إِبْرَاهِيمُ بْنُ سُلَيْمَانَ ، عَنْ حَرْبِ بْنِ سُرَيْجٍ ، عَنْ حَمَّادِ بْنِ أَبِي سُلَيْمَانَ قَالَ : تَعَشَّيْتُ عِنْدَ أَبِي بُرْدَةَ رَضِيَ اللهُ عَنْهُ فَقَالَ : أَلَا أُحَدِّثُكَ مَا حَدَّثَنِي بِهِ أَبِي عَبْدِ اللهِ بْنِ قَيْسٍ رَضِيَ اللهُ عَنْهُ ؟ قَالَ : قَالَ رَسُولُ اللهِ صَلَّى اللهُ عَلَيْهِ وَسَلَّمَ : مَنْ أَكَلَ فَشَبِعَ وَشَرِبَ فَرَوِيَ فَقَالَ : الْحَمْدُ لِلهِ الَّذِي أَطْعَمَنِي فَأَشْبَعَنِي ، وَسَقَانِي فَأَرْوَانِي خَرَجَ مِنْ ذُنُوبِهِ كَيَوْمِ وَلَدَتْهُ أُمُّهُ .

حماد بن ابی سلیمان سے روایت ہے کہ میں نے سیدنا ابوبردہ رضی اللہ عنہ کے پاس رات کا کھانا کھایا تو انہوں نے مجھ سے کہا: کیا میں تمہیں وہ حدیث نہ سناؤں جو مجھے میرے والد سیدنا عبداللہ بن قیس (سیدنا ابوموسیٰ اشعری) رضی اللہ عنہ نے بیان کی تھی؟ انہوں نے کہا کہ رسول اللہ ﷺ نے ارشاد فرمایا: ”جس شخص نے کھانا کھایا اور اس کا پیٹ بھر گیا، اور پانی پیا اور وہ سیراب ہو گیا، پھر اس نے یہ دعا پڑھی: «الْحَمْدُ لِلهِ الَّذِي أَطْعَمَنِي فَأَشْبَعَنِي، وَسَقَانِي فَأَرْوَانِي» ”تمام تعریفیں اللہ ہی کے لیے ہیں جس نے مجھے کھانا کھلایا اور میرا پیٹ بھرا، اور مجھے پانی پلایا اور میری پیاس بجھائی“، تو وہ اپنے گناہوں سے اس طرح پاک ہو کر نکل جاتا ہے جیسے اس دن پاک تھا جس دن اس کی ماں نے اسے جنم دیا تھا۔“
اسے امام ابویعلیٰ نے اپنی مسند میں روایت کیا ہے۔