مجمع الزوائد ومنبع الفوائد

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” اہل جہنم میں سے ہر ایک جنت کا ٹھکانہ دیکھے گا اور یہ کہے گا : کاش اللہ تعالیٰ نے مجھے بھی ہدایت نصیب کی ہوتی ۔ تو یہ چیز اس کے لیے حسرت کا باعث ہو گی ۔ “ اور اہل جنت میں سے ہر ایک جہنم کا ٹھکانہ دیکھے گا اور یہ کہے گا : اگر اللہ تعالیٰ نے مجھے ہدایت نصیب نہ کی ہوتی ( تو میں نے جنت میں نہیں آنا تھا ) تو یہ چیز اس کی طرف سے شکر ادا کرنے کے طور پر ہو گی ۔

ایک روایت میں یہ الفاظ ہیں : کوئی شخص جہنم میں اس وقت تک داخل نہیں ہو گا جب تک وہ جنت کے ٹھکانے کو نہیں دیکھ لیتا کہ اگر اس نے بھلائی کی ہوتی ( تو اسے جنت میں وہ ٹھکانہ مل جاتا ) یہ اس لیے ہو گا تاکہ اس کو حسرت ہو اور کوئی شخص جنت میں اس وقت تک داخل نہیں ہو گا جب تک وہ جہنم کے ٹھکانے کو نہیں دیکھ لے گا کہ اگر اس نے برائی کی ہوتی ( تو اسے وہ ٹھکانہ نصیب ہونا تھا ) یہ اس لیے ہو گا تاکہ وہ زیادہ شکر کرے ۔ “ یہ تمام روایات امام أحمد نے نقل کی ہیں اور پہلی روایت کے رجال صحیح کے رجال ہیں ۔