مجمع الزوائد ومنبع الفوائد

سیدنا عبداللہ بن عمرو رضی اللہ عنہ بیان کرتے ہیں : ایک شخص آیا اور بولا: اے اللہ ! تو میری اور سیدنا محمد صلی اللہ علیہ وسلم کی مغفرت کر دے اور ہم پر ہونے والی اپنی رحمت میں ، تو کسی کو شریک نہ بنانا ، نبی اکرم صلی اللہ علیہ وسلم نے دریافت کیا : اس بات کا قائل کون ہے ؟ اس نے جواب دیا : میں ہوں ، نبی اکرم صلی اللہ علیہ وسلم نے فرمایا : تم نے اُس ( رحمت ) کو بہت سے لوگوں سے محجوب کر دیا ہے ۔
یہ روایت امام أحمد نے نقل کی ہے اور امام طبرانی نے اس کی مانند نقل کی ہے اور ان دونوں کی سند حسن ہے ۔