مجمع الزوائد ومنبع الفوائد

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جب کوئی شخص خادم خریدے تو وہ اس کی پیشانی پکڑ کر یہ پڑھے :
«اللَّهُمَّ إِنِّي أَسْأَلُكَ مِنْ خَيْرِهَا ، وَخَيْرِ مَا جَبَلْتَهَا عَلَيْهِ»
” اے اللہ ! میں تجھ سے اس کی بھلائی کا ، اور تو نے اس کی فطرت میں ، جو بھلائی رکھی ہے اُس کا سوال کرتا ہوں ۔ “
اور جب آدمی اونٹ خریدے ، تو وہ اس کی کوہان کا کنارہ پکڑ کر اس کی مانند کلمات پڑھے ۔
یہ روایت امام ابویعلیٰ نے نقل کی ہے ، اس کی سند میں ایک راوی حبان بن علی ہے ، جس کے ضعیف ہونے کے باوجود اس کی توثیق کی گئی ہے ، اس روایت کے بقیہ رجال ” صحیح “ کے رجال ہیں ۔