مجمع الزوائد ومنبع الفوائد

سیدنا معاذ بن انس رضی اللہ عنہ نبی اکرم صلی اللہ علیہ وسلم کے بارے میں یہ بات نقل کرتے ہیں : آپ کا گزر کچھ لوگوں کے پاس سے ہوا ، جو اپنی سواریوں پر ٹھہرے ہوئے تھے ، نبی اکرم صلی اللہ علیہ وسلم نے ان سے فرمایا : ” تم ان پر اس وقت سواری کرو جب یہ سلامتی والے ہوں ، اور تم انہیں ایسی حالت میں چھوڑو کہ یہ سلامتی والے ہوں ، اور تم راستوں اور بازاروں میں آپس میں ، بات چیت کرنے کے لئے انہیں کرسی نہ بناؤ ، کیونکہ بعض اوقات کوئی سواری اپنے سوار سے بہتر ہوتی ہے اور ( وہ سواری ) اُس ( یعنی سوار ) سے زیادہ اللہ کا ذکر کرنے والی ہوتی ہے ۔ “
یہ روایت امام أحمد نے نقل کی ہے اور اس کی سند حسن ہے ۔