مجمع الزوائد ومنبع الفوائد

سیدنا ابوسعید خدری رضی اللہ عنہ بیان کرتے ہیں : غزوہ خندق کے دن ہم نے عرض کی : یا رسول اللہ ! کیا کوئی ایسی چیز ہے ، جسے ہم پڑھ لیں ؟ کیونکہ دل حلق تک آ چکے ہیں ، نبی اکرم صلی اللہ علیہ وسلم نے ارشاد فرمایا : جی ہاں !
«اللَّهُمَّ اسْتُرْ عَوْرَاتِنَا ، وَآمِنَ رَوْعَاتِنَا» ” اے اللہ ! ہمارے پوشیدہ معاملات کی پردہ پوشی فرما ، اور ہماری پریشانی کو امان نصیب فرما ۔ “
راوی کہتے ہیں : تو اللہ تعالیٰ نے دشمن پر ہوا بھیج دی ، اور اُس ہوا کے ذریعے اللہ تعالیٰ نے ان لوگوں کو پسپا کر دیا ۔
یہ روایت امام أحمد اور امام بزار نے نقل کی ہے ، بزار کی سند متصل ہے اور اس کے رجال ثقہ ہیں ، امام أحمد کے رجال بھی اسی طرح ہیں ، تاہم میرے پاس موجود ” مسند “ کے نسخے میں یہ بات تحریر ہے ،
یہ روایت ربیح بن ابوسعید کے حوالے سے ، ان کے والد سے منقول ہے ، جبکہ مسند بزار میں ، یہ بات منقول ہے : انہوں نے اپنے والد کے حوالے سے اپنے دادا سے
یہ روایت نقل کی ہے ۔