مجمع الزوائد ومنبع الفوائد

سیدنا جبیر بن مطعم رضی اللہ عنہ بیان کرتے ہیں : نبی اکرم صلی اللہ علیہ وسلم نے مجھ سے فرمایا : ” اے جبیر ! کیا تم اس بات کو پسند کرتے ہو ؟ کہ جب تم سفر پر نکلو ، تو تم ہیئت کے اعتبار سے اپنے ساتھیوں میں سب سے زیادہ مثالی ہو ، اور زاد سفر کے اعتبار سے سب سے زیادہ کثرت والے ہو ، میں نے عرض کی : جی ہاں ! میرے ماں باپ آپ پر قربان ہوں ، نبی اکرم صلی اللہ علیہ وسلم نے ارشاد فرمایا : پھر تم یہ پانچ سورتیں پڑھ لیا کرو : سورہ کافرون ، سورۂ نصر ، سورہ اخلاص ، سورہ فلق اور سورہ ناس ، اور ان میں سے ہر ایک سے پہلے ” بسم اللہ الرحمن الرحیم “ پڑھ لیا کرو ، اور اپنی قرأت کا اختتام ” بسم اللہ الرحمن الرحیم “ کے ذریعے کرنا ۔ “ سیدنا جبیر رضی اللہ عنہ بیان کرتے ہیں : میں خوشحال تھا ، کثیر مال والا تھا ، پہلے جب میں ان لوگوں کے ساتھ نکلتا تھا ، جن کے بارے میں اللہ کو منظور ہوتا تھا کہ میں ان کے ساتھ سفر پر جاؤں ، تو میری ہیئت ان میں سب سے زیادہ بری ہوتی تھی ، اور زاد سفر سب سے زیادہ کم ہوتا تھا ، جب نبی اکرم صلی اللہ علیہ وسلم نے مجھے ان سورتوں کی تعلیم دی ، تو میں نے انہیں پڑھنا شروع کیا ، تو میری یہ حالت ہو گئی کہ میں ظاہری ہیئت کے اعتبار سے ان میں سب سے زیادہ عمدہ ہوتا تھا ، اور زاد سفر کے اعتبار سے سب سے زیادہ کثرت والا ہوتا تھا ، یہاں تک کہ میں اس سفر سے واپس آ جاتا ( یعنی پورے سفر کے دوران یہ صورتحال رہتی تھی ) ۔
یہ روایت امام ابویعلیٰ نے نقل کی ہے ، اور اس کی سند میں ایسے راوی ہیں جن سے میں واقف نہیں ہوں ۔