مجمع الزوائد ومنبع الفوائد

سیدنا براء بن عازب رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص ہر نماز کے بعد یہ پڑھے : «أَسْتَغْفِرُ اللَّهَ الَّذِي لَا إِلَهَ إِلَّا هُوَ الْحَيُّ الْقَيُّومُ ، وَأَتُوبُ إِلَيْهِ» ” میں اُس اللہ سے مغفرت طلب کرتا ہوں ، جس کے علاوہ اور کوئی معبود نہیں ہے اور وہ ” حی “ اور ” قیوم “ ہے اور میں اُس کی بارگاہ میں توبہ کرتا ہوں ۔ “ ( نبی اکرم صلی اللہ علیہ وسلم فرماتے ہیں : ) تو اس آدمی کی مغفرت ہو جائے گی اگرچہ وہ میدان جنگ سے فرار ہوا ہو ۔ “
یہ روایت امام طبرانی نے معجم صغیر اور معجم اوسط میں نقل کی ہے ، اس کی سند میں ایک راوی عمرو بن فرقد ہے اور وہ ضعیف ہے ۔