مجمع الزوائد ومنبع الفوائد

سیدنا عبداللہ بن زبیر رضی اللہ عنہما اور سیدنا عبداللہ بن جعفر رضی اللہ عنہ کے بارے میں یہ بات منقول ہے : ان دونوں حضرات نے سات سال کی عمر میں نبی اکرم صلی اللہ علیہ وسلم کی بیعت کی تھی ، جب نبی اکرم صلی اللہ علیہ وسلم نے ان دونوں کو ملاحظہ کیا ، تو آپ مسکرا دیے اور آپ نے اپنا دست مبارک بڑھایا اور ان دونوں سے بیعت لی ۔
یہ روایت امام طبرانی نے معجم اوسط اور معجم کبیر میں نقل کی ہے اور اس کی سند میں ایک راوی اسماعیل بن عیاش ہے ، جس میں اختلاف پایا جاتا ہے ، اس روایت کے بقیہ رجال صحیح کے رجال ہیں ۔

سیدنا عبداللہ بن جعفر رضی اللہ عنہ بیان کرتے ہیں : مجھے اپنے بارے میں یہ بات یاد ہے ، میں ، قثم اور عبیداللہ تھے ، یہ دونوں سیدنا عباس رضی اللہ عنہ کے صاحبزادے ہیں ، ہم بچے تھے اور کھیل رہے تھے ، اسی دوران نبی اکرم صلی اللہ علیہ وسلم ایک سواری پر ہمارے پاس سے گزرے ، آپ نے ارشاد فرمایا : تم لوگ اس بچے کو مجھے پکڑا دو ! نبی اکرم صلی اللہ علیہ وسلم نے مجھے اپنے آگے بٹھا لیا ، پھر آپ نے سیدنا قثم کے بارے میں فرمایا : اسے مجھے پکڑا دو ، آپ نے انہیں اپنے پیچھے بٹھا لیا ، عبیداللہ ، سیدنا عباس رضی اللہ عنہ کو قثم سے زیادہ محبوب تھے ، لیکن نبی اکرم صلی اللہ علیہ وسلم نے اپنے چچا سے اس حوالے سے کچھ محسوس نہیں کیا کہ آپ نے قثم کو بٹھا لیا اور عبیداللہ کو چھوڑ دیا ، پھر نبی اکرم صلی اللہ علیہ وسلم نے میرے سر پر تین مرتبہ ہاتھ پھیرا ، ہر مرتبہ ہاتھ پھیرتے ہوئے آپ نے یہ دعا کی : اے اللہ ! جعفر کی اولاد کی دیکھ بھال کرنے والا ہو جا ! راوی کہتے ہیں : میں نے سیدنا عبداللہ بن جعفر رضی اللہ عنہ سے دریافت کیا : سیدنا قثم رضی اللہ عنہ کے ساتھ کیا ہوا تھا ؟ انہوں نے بتایا کہ انہوں نے جام شہادت نوش کیا تھا ۔ میں نے دریافت کیا : کیا اللہ اور اس کا رسول بھلائی کے بارے میں زیادہ بہتر جانتے تھے ؟ سیدنا عبداللہ رضی اللہ عنہ نے جواب دیا : جی ہاں !
یہ روایت امام أحمد نے نقل کی ہے اور اس کے رجال ثقہ ہیں ۔ نے سیدنا عبداللہ بن جعفر رضی اللہ عنہ سے دریافت کیا : سیدنا قثم رضی اللہ عنہ کے ساتھ کیا ہوا تھا ؟ انہوں نے بتایا کہ انہوں نے جام شہادت نوش کیا تھا ۔ میں نے دریافت کیا : کیا اللہ اور اس کا رسول بھلائی کے بارے میں زیادہ بہتر جانتے تھے ؟ سیدنا عبداللہ رضی اللہ عنہ نے جواب دیا : جی ہاں ! یہ روایت امام أحمد نے نقل کی ہے اور اس کے رجال ثقہ ہیں ۔

عمرو بن حریث بیان کرتے ہیں : ایک مرتبہ نبی اکرم صلی اللہ علیہ وسلم کا گزر سیدنا عبداللہ بن جعفر رضی اللہ عنہ کے پاس سے ہوا ، جو بچوں کے ساتھ خرید و فروخت کا کھیل ، کھیل رہے تھے ، تو نبی اکرم صلی اللہ علیہ وسلم نے فرمایا : ” اے اللہ ! اس کی خرید و فروخت میں اس کے لیے برکت رکھ دے ! ( راوی کو شک ہے ، شاید یہ الفاظ ہیں : ) اس کے سودے میں ۔ “
یہ روایت امام ابویعلیٰ اور امام طبرانی نے نقل کی ہے اور ان دونوں کے رجال ثقہ ہیں ۔

محمد بن عبدالله بن نمیر بیان کرتے ہیں : اُس سال میں ، سیدنا عبداللہ بن جعفر بن ابوطالب رضی اللہ عنہ کا مدینہ منورہ میں انتقال ہوا ، ان کی کنیت ابوجعفر تھی ، راوی کہتے ہیں : اس سے مراد سن 80 ہجری ہے ۔