مجمع الزوائد ومنبع الفوائد

سیدنا زبیر بن عوام رضی اللہ عنہ بیان کرتے ہیں : فتح مکہ کے موقع پر نبی اکرم صلی اللہ علیہ وسلم نے قریش سے تعلق رکھنے والے ایک شخص کو باندھ کر قتل کر دیا ، پھر آپ صلی اللہ علیہ وسلم نے ارشاد فرمایا : ” آج کے دن کے بعد کسی قریشی کو باندھ کر قتل نہیں کیا جائے گا البتہ اس شخص کا معاملہ مختلف ہے جو عثمان کو قتل کرے گا ، تم لوگ اس کو قتل کر دینا ، اگر تم ایسا نہیں کرو گے تو تمہیں بھیڑ بکریوں کی طرح قتل کر دیا جائے گا ۔ “
یہ روایت امام طبرانی نے معجم اوسط میں نقل کی ہے ، اور امام بزار نے اختصار کے ساتھ نقل کی ہے ، ان دونوں نے یہ بات بیان کی ہے ،
یہ روایت نبی اکرم صلی اللہ علیہ وسلم سے صرف اسی سند کے ساتھ منقول ہے ، امام طبرانی کی سند میں ایک راوی ابوخیثمہ مصعب بن سعید ہے ، اور امام بزار کی سند میں ایک راوی عبداللہ بن شبیب ہے ، اور یہ دونوں ضعیف ہیں ۔