مجمع الزوائد ومنبع الفوائد

سیدنا عبداللہ بن مسعود رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” بے شک اللہ تعالیٰ کے کچھ فرشتے ہیں جو گھومتے پھرتے رہتے ہیں اور وہ میری امت کی طرف سے سلام مجھ تک پہنچاتے ہیں ، راوی بیان کرتے ہیں : نبی اکرم صلی اللہ علیہ وسلم نے ارشاد فرمایا : ” میری زندگی ، تمہارے حق میں بہتر ہے ، تم لوگ بات چیت کر لیتے ہو اور تمہارے ساتھ بات چیت کر لی جاتی ہے ، اور میری وفات بھی تمہارے لئے بہتر ہو گی ، کیونکہ تمہارے اعمال میرے سامنے پیش کیے جائیں گے ، تو میں جو بھلائی کی چیز دیکھوں گا ، اس پر اللہ تعالیٰ کی حمد بیان کروں گا ، اور میں جو برائی کی چیز دیکھوں گا ، تو تمہارے لئے اللہ تعالیٰ سے دعائے مغفرت کروں گا ۔ “
یہ روایت امام بزار نے نقل کی ہے ، اور اس کے رجال ” صحیح “ کے رجال ہیں ۔