مجمع الزوائد ومنبع الفوائد

سیدہ عائشہ صدیقہ رضی اللہ عنہا بیان کرتی ہیں : نبی اکرم صلی اللہ علیہ وسلم سے شعر کے بارے میں دریافت کیا گیا ، تو آپ نے فرمایا : وہ کلام ہے ۔ اس میں سے اچھا اچھا ہو گا ، اور برا برا ہو گا ۔
یہ روایت امام ابویعلیٰ نے نقل کی ہے ۔ اس کی سند میں ایک راوی عبدالرحمن بن ثابت بن ثوبان ہے ، جسے دحیم اور ایک جماعت نے ثقہ قرار دیا ہے ، جبکہ یحیی بن معین اور دیگر حضرات نے اسے ضعیف کہا: ہے ۔ اس روایت کے بقیہ رجال صحیح کے رجال ہیں ۔

سیدنا عبداللہ بن عمرو رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” شعر کلام کی جگہ ہے ، اس میں سے اچھا ( شعر ) اچھے کلام کی مانند ہے اور اس میں سے برا ( شعر ) برے کلام کی مانند ہے ۔ “
یہ روایت امام طبرانی نے معجم اوسط میں نقل کی ہے ۔ وہ فرماتے ہیں : نبی اکرم صلی اللہ علیہ وسلم کے حوالے سے
یہ روایت صرف اسی سند کے ساتھ منقول ہے اور اس کی سند حسن ہے باقی اللہ بہتر جانتا ہے ۔