مجمع الزوائد ومنبع الفوائد

سیدنا عبداللہ بن مسعود رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” اللہ تعالیٰ نے جس بھی چیز کو حرام قرار دیا ہے ، تو وہ یہ جانتا ہے کہ تم میں سے کوئی شخص جھانک کر اُس کی طرف دیکھے گا ( یعنی اس کا مرتکب ہو گا ، پھر نبی اکرم صلی اللہ علیہ وسلم نے فرمایا : ) اور میں تم لوگوں کو کمر سے پکڑتا ہوں کہ کہیں تم آگ میں نہ گر جاؤ ، جس طرح پتنگے اور مکھیاں ( آگ میں گرتے ہیں ) ۔ “
یہ روایت امام أحمد اور امام ابویعلیٰ نے نقل کی ہے اور انہوں نے یہ الفاظ نقل کئے ہیں : ” پتنگے یا مکھیاں ، یا حنظب ( نامی پتنگے ) ۔ ۔ ۔ ۔ ۔ ۔ ۔ ۔ “ ۔ اس روایت کی سند میں ایک راوی مسعودی ہے جو اختلاط کا شکار ہو گیا تھا ۔