مجمع الزوائد ومنبع الفوائد

سیدنا انس رضی اللہ عنہ بیان کرتے ہیں : نبی اکرم صلی اللہ علیہ وسلم کو اچھے خواب پسند تھے ، بعض اوقات آپ یہ دریافت کر لیتے تھے : کہ کیا تم میں سے کسی نے کوئی خواب دیکھا ہے ؟ راوی بیان کرتے ہیں : جب کسی شخص نے کوئی خواب دیکھا ہوتا تھا ، تو وہ اُس کے بارے میں دریافت کر لیتا تھا ، اگر اس میں کوئی حرج نہیں ہوتا تھا ، تو وہ آپ کے نزدیک ( یا اس شخص کے نزدیک ) عمدہ خواب ہوتا تھا ۔ راوی بیان کرتے ہیں : ایک مرتبہ ایک خاتون آئی ، اس نے عرض کی : یا رسول اللہ ! میں نے خواب میں دیکھا کہ جیسے میں جنت میں داخل ہوئی ہوں وہاں میں نے گونج کی آواز سنی ، جس کی وجہ سے جنت میں گونج پیدا ہوئی تھی ، جب میں نے دیکھا تو فلاں بن فلاں صاحب آ رہے ہیں ، یہاں تک کہ اس خاتون نے بارہ افراد شمار کروائے ، یہ وہ لوگ تھے ، جنہیں نبی اکرم صلی اللہ علیہ وسلم اس سے پہلے ایک جنگی مہم پر بھیج چکے تھے ( اس خاتون نے بتایا ) جب وہ لوگ آئے تو ان کے جسم پر عمدہ قسم کے کپڑے تھے اور ان کی رگوں سے خون بہہ رہا تھا ، یہ بات کہی گئی کہ انہیں بیدخ کی سرزمین کی طرف لے جاؤ ( راوی کو شک ہے ، شاید یہ الفاظ ہیں ) بیدخ کی نہر کی طرف لے جاؤ اور وہاں انہیں ڈبکی دو ، پھر وہ لوگ وہاں سے نکلے ، تو ان کے چہرے یوں تھے ، جیسے چودھویں رات کا چاند ہوتا ہے ، پھر وہ سونے کی کرسیوں کے پاس آئے اور ان پر بیٹھ گئے ، پھر ایک تھال لایا گیا ، جس میں کھجوریں موجود تھیں ، ان لوگوں نے ان میں سے کھانا شروع کیا ، وہ ان تھالوں میں سے مختلف پھل کھاتے رہے ، میں نے بھی ان کے ساتھ پھل کھایا ۔ راوی کہتے ہیں : اس جنگی مہم کے حوالے سے جب اطلاع دینے والا شخص آیا ، تو اس نے عرض کی : یا رسول اللہ ! ہمارے ساتھ یہ یہ صورت حال پیش آئی اور فلاں حضرات شہید ہو گئے ہیں ، تو اس نے انہی بارہ افراد کا شمار کروایا ، جن کا شمار اس خاتون نے کروایا تھا نبی اکرم صلی اللہ علیہ وسلم نے ارشاد فرمایا : اُس عورت کو میرے پاس لے کر آؤ ! وہ عورت آئی ، تو نبی اکرم صلی اللہ علیہ وسلم نے فرمایا : اس شخص کے سامنے اپنا خواب بیان کرو ! اس عورت نے خواب بیان کیا ، راوی کہتے ہیں : تو وہ اُسی طرح تھا ، جس طرح اُس عورت نے نبی اکرم صلی اللہ علیہ وسلم کے سامنے ( وہ خواب ) بیان کیا تھا ۔
یہ روایت امام أحمد نے نقل کی ہے اور اس کے رجال صحیح کے رجال ہیں ۔ نے بھی ان کے ساتھ پھل کھایا ۔ راوی کہتے ہیں : اس جنگی مہم کے حوالے سے جب اطلاع دینے والا شخص آیا تو اس نے عرض کی : یا رسول اللہ ! ہمارے ساتھ یہ یہ صورت حال پیش آئی اور فلاں حضرات شہید ہو گئے ہیں ، تو اس نے انہی بارہ افراد کا شمار کروایا جن کا شمار اس خاتون نے کروایا تھا نبی اکرم صلی اللہ علیہ وسلم نے ارشاد فرمایا : اُس عورت کو میرے پاس لے کر آؤ ! وہ عورت آئی تو نبی اکرم صلی اللہ علیہ وسلم نے فرمایا : اس شخص کے سامنے اپنا خواب بیان کرو ! اس عورت نے خواب بیان کیا راوی کہتے ہیں تو وہ اُسی طرح تھا ، جس طرح اُس عورت نے نبی اکرم صلی اللہ علیہ وسلم کے سامنے ( وہ خواب ) بیان کیا تھا ۔
یہ روایت امام أحمد نے نقل کی ہے اور اس کے رجال صحیح کے رجال ہیں ۔