مجمع الزوائد ومنبع الفوائد

سیدنا عرباض بن ساریہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص فرض نماز ادا کرے ، اُسے ” مستجاب دعا “ کا حق ملتا ہے اور جو شخص قرآن ختم کرے ، اُسے ” مستجاب دعا “ کا حق ملتا ہے “ ۔
یہ روایت امام طبرانی نے نقل کی ہے ، اس کی سند میں ایک راوی عبدالحمید بن سلیمان ہے اور وہ ضعیف ہے ۔

ثابت بیان کرتے ہیں : سیدنا انس بن مالک رضی اللہ عنہ جب قرآن ختم کرتے تھے ، تو اپنے اہل خانہ اور اپنے بچوں کو جمع کرتے تھے اور پھر اُن کے لئے دعا کرتے تھے ۔
یہ روایت امام طبرانی نے نقل کی ہے اور اس کے رجال ثقہ ہیں ۔