مجمع الزوائد ومنبع الفوائد

سیدنا انس بن مالک رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص ، اپنے بیٹے کو ناظرہ قرآن مجید پڑھنا سکھائے ، اس شخص کے گزشتہ اور آئندہ گناہوں کی مغفرت ہو جائے گی اور جو شخص اپنے بچے کو قرآن مجید حفظ کروائے ، تو اللہ تعالیٰ قیامت کے دن اُسے چودھویں رات کے چاند کی شکل میں اٹھائے گا اور اس کے بیٹے سے کہا: جائے گا : تم تلاوت کرو جب بھی وہ ایک آیت تلاوت کرے گا ، تو اللہ تعالیٰ اس کی وجہ سے اس کے باپ کا ایک درجہ بلند کرے گا ، یہاں تک کہ وہ بچہ اس مقام تک پہنچے گا ، جہاں تک اُسے قرآن کا آخری حصہ آتا ہو “ ۔
یہ روایت امام طبرانی نے معجم اوسط میں نقل کی ہے ، اس کی سند میں ایسا راوی ہے ، جس سے میں واقف نہیں ہوں ۔

سیدنا ابوہریرہ رضی اللہ عنہ بیان کرتے ہیں : اُن تک نبی اکرم صلی اللہ علیہ وسلم کا یہ فرمان پہنچا ہے : ” جو شخص اپنی اولاد کو ، دنیا میں قرآن کی تعلیم دیتا ہے ، تو قیامت کے دن اس بچے کے باپ کو جنت میں تاج پہنایا جائے گا ، جس کی وجہ سے اہل جنت اسے پہچان لیں گے کہ اس نے دنیا میں اپنی اولاد کو قرآن کی تعلیم دی تھی “ ۔
یہ روایت امام طبرانی نے معجم اوسط میں نقل کی ہے ، اس روایت کی سند میں ایک راوی جابر بن سلیم ہے ، جسے ازدی نے ضعیف قرار دیا ہے ۔