مجمع الزوائد ومنبع الفوائد

سیدنا عبداللہ بن عمر رضی اللہ عنہما بیان کرتے ہیں : انصار سے تعلق رکھنے والے دو آدمیوں نے وہ سورت پڑھنی چاہی ، جو نبی اکرم صلی اللہ علیہ وسلم نے انہیں سکھائی تھی ، وہ دونوں اس کی تلاوت کیا کرتے تھے ، ایک رات وہ نماز میں اسے پڑھنے لگے ، تو وہ اس کے کسی حرف کو بھی پڑھنے پر قادر نہ ہو سکے ، اگلے دن وہ نبی اکرم صلی اللہ علیہ وسلم کی خدمت میں حاضر ہوئے اور آپ کے سامنے یہ بات ذکر کی ، تو آپ نے فرمایا : یہ ان میں سے ہے ، جسے منسوخ کر دیا گیا اور بھلا دیا گیا ۔
یہ روایت امام طبرانی نے معجم اوسط میں نقل کی ہے ، اس سے پہلے یہ اس کے علاوہ باب میں بھی گزر چکی ہے اور اس روایت پر کلام بھی گزر چکا ہے ۔

ابواسحاق بیان کرتے ہیں : اُمیہ بن عبداللہ بن خالد بن اُسید نے خراسان میں ، ہماری امامت کی اور وہاں دو سورتیں پڑھیں کہ ہم تجھ سے مدد مانگتے ہیں اور تجھ سے مغفرت طلب کرتے ہیں ۔ ۔ ۔ ۔ ۔ ۔ ۔ اس کے بعد راوی نے پوری روایت نقل کی ہے ۔
یہ روایت امام طبرانی نے نقل کی ہے اور اس کے رجال صحیح کے رجال ہیں ۔
( علامہ ہیثمی فرماتے ہیں : ) میں یہ کہتا ہوں ! اس سے پہلے ، اس کے علاوہ ، ایک روایت ” سورت بینہ “ سے متعلق باب میں گزر چکی ہے ۔