مجمع الزوائد ومنبع الفوائد

سیدنا ابوہریرہ رضی اللہ عنہ بیان کرتے ہیں ( ارشاد باری تعالیٰ ہے : ) ﴿لَا بِثِينَ فِيهَا أَحْقَابًا﴾ وہ لوگ اس ( جہنم ) میں رہیں گے جو کئی مدتوں تک ہو گا“ سیدنا ابوہریرہ رضی اللہ عنہ فرماتے ہیں ایک ” حقب “ اسی سال کا ہوتا ہے ۔
یہ روایت امام بزار نے نقل کی ہے اس کی سند میں ایک راوی حجاج بن نصیر ہے جسے ابن حبان نے ثقہ قرار دیا ہے وہ کہتے ہیں یہ غلطی کر جاتا ہے اور وہم کا شکار ہو جاتا ہے ایک جماعت نے اسے ضعیف کہا: ہے اس روایت کے بقیہ رجال ثقہ ہیں ۔

سیدنا ابوامامہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” وہ اس ( جہنم ) میں کئی حقب تک رہیں گے “ ۔ ایک ” حقب “ تیس ہزار سال کا ہو گا ۔
یہ روایت امام طبرانی نے نقل کی ہے ، اس کی سند میں ایک راوی جعفر بن زبیر ہے اور وہ ضعیف ہے ۔