مجمع الزوائد ومنبع الفوائد

یزید بن عامر سوائی بیان کرتے ہیں ایک مرتبہ وہ لوگ طاغیہ کا طواف کر رہے تھے اسی دوران انہوں نے کسی بولنے والے کو یہ کہتے ہوئے سنا : ” اور اگر وہ ہماری طرف کوئی ایک بات جھوٹ کے طور پر منسوب کر دیتا ، تو ہم نے اسے پوری قوت کے ساتھ پکڑ لینا تھا اور پھر اس کی شہ رگ کاٹ دینی تھی “ ۔ ہم اس بات پر گھبرا گئے ، ہم نے کہا: یہ کوئی ایسا کلام نہیں ہے ، جس سے ہم واقف نہ ہوں ، پھر ہم نے دیکھا تو وہ نبی اکرم صلی اللہ علیہ وسلم تھے ، جو تشریف لے جا رہے تھے ۔
یہ روایت امام طبرانی نے معجم اوسط میں نقل کی ہے اس کی سند میں ایک راوی سائب بن یسار طائفی ہے اور میں اس سے واقف نہیں ہوں ، اس روایت کے بقیہ رجال ثقہ ہیں ۔