مجمع الزوائد ومنبع الفوائد

سیدنا عبداللہ بن مسعود رضی اللہ عنہ اللہ تعالیٰ کے اس فرمان کے بارے میں بیان کرتے ہیں ( ارشاد باری تعالیٰ ہے : ) ” اے ایمان والو ! تم اس قوم کو اپنا دوست نہ بناؤ جن پر اللہ تعالیٰ نے غضب نازل کیا وہ آخرت سے مایوس ہو چکے ہیں “ ۔ ( سیدنا عبداللہ بن مسعود رضی اللہ عنہ فرماتے ہیں : ) یعنی وہ اس پر ایمان نہیں لائیں گے اور انہیں اجر نہیں دیا جائے گا اس سے مراد وہ کافر شخص ہے کہ جب وہ مر جائے تو وہ اپنے ثواب ( یعنی انجام اور بدلے ) کو دیکھتا ہے اور اس پر مطلع ہو جاتا ہے ۔
یہ روایت امام طبرانی نے اپنے استاد عبداللہ بن محمد بن سعد بن ابومریم کے حوالے سے نقل کی ہے اور وہ ضعیف ہے ۔