مجمع الزوائد ومنبع الفوائد

سیدنا ابوبکر صدیق رضی اللہ عنہ بیان کرتے ہیں : جب یہ آیت نازل ہوئی ( ارشاد باری تعالیٰ ہے : ) ” اے ایمان والو ! اپنی آوازوں کو ، نبی کی آواز سے بلند نہ کرو “ ۔ تو میں نے عرض کی : یا رسول اللہ ! اللہ کی قسم ! اب میں آپ کے ساتھ جب بھی بات کروں گا ، تو یوں کروں گا ، جیسے سرگوشی میں بات کی جاتی ہے ۔
یہ روایت امام بزار نے نقل کی ہے ، اس کی سند میں ایک راوی حصین بن عمرو احمسی ہے اور وہ متروک ہے ، عجلی نے اُسے ثقہ قرار دیا ہے ، اس روایت کے بقیہ رجال صحیح کے رجال ہیں ۔