مجمع الزوائد ومنبع الفوائد

سیدنا ابوعامر اشعری رضی اللہ عنہ بیان کرتے ہیں : ان لوگوں میں سے ایک شخص اوطاس میں قتل ہوا ، تو نبی اکرم صلی اللہ علیہ وسلم نے ان سے فرمایا : اے ابوعامر ! کیا تم نے اسے تبدیل نہیں کیا ؟ سیدنا ابوعامر رضی اللہ عنہ یہ آیت تلاوت کی : ” اے ایمان والو ! تم پر اپنا خیال رکھنا لازم ہے جب تم ہدایت یافتہ ہو ، تو جو گمراہ ہو وہ تمہیں کوئی نقصان نہیں دے گا “ ۔ تو نبی اکرم صلی اللہ علیہ وسلم غصے میں آ گئے اور آپ نے ارشاد فرمایا : تم لوگ کہاں جا رہے رہو ؟ اس سے مراد یہ ہے : اے ایمان والو ! تم پر اپنا خیال رکھنا لازم ہے کفار میں سے جو شخص گمراہ ہو جائے وہ تمہیں نقصان نہیں دے گا ۔
یہ روایت امام طبرانی نے نقل کی ہے ، اور ان کے نقل کردہ الفاظ یہ ہیں : سیدنا ابوعامر رضی اللہ عنہ بیان کرتے ہیں : ان لوگوں میں کوئی چیز تھی جس کی وجہ سے وہ نبی اکرم صلی اللہ علیہ وسلم کے پاس نہیں آ سکے نبی اکرم صلی اللہ علیہ وسلم نے دریافت کیا تم لوگوں کو کس چیز نے روکا ؟ وہ کہتے ہیں : میں نے یہ آیت تلاوت کر دی : ” اے ایمان والو ! تم پر اپنا خیال رکھنا لازم ہے جب تم ہدایت یافتہ ہو جو گمراہ ہے وہ تمہیں کوئی نقصان نہیں دے گا “ ۔ تو نبی اکرم سر صلی اللہ علیہ وسلم نے ان سے فرمایا : کفار سے تعلق رکھنے والا جو گمراہ ہو وہ تمہیں نقصان نہیں دے گا جبکہ تم ہدایت یافتہ ہو ۔ ان دونوں روایات کے رجال ثقہ ہیں البتہ میں نے علی بن مدرک کے صحابہ کرام میں سے کسی ایک سے سماع کے بارے میں کوئی روایت نہیں پائی ہے ۔

سیدنا عبداللہ بن مسعود رضی اللہ عنہ اللہ تعالیٰ کے اس فرمان کے بارے میں بیان کرتے ہیں : ( ارشاد باری تعالیٰ ہے : ) ” تم پر اپنا خیال رکھنا لازم ہے “ ۔ سیدنا عبداللہ بن مسعود رضی اللہ عنہ فرماتے ہیں : یہ اس کا وقت نہیں ہے ، تم وہ بات کہو تم سے جو بات قبول کر لی جاتی ہے ، تو ٹھیک ہے ، اگر وہ مسترد کر دی جاتی ہے ، تو تم پر اپنا خیال رکھنا لازم ہے جو شخص گمراہ ہو ، وہ تمہیں نقصان نہیں پہنچائے گا ۔
یہ روایت امام طبرانی نے نقل کی ہے ، اور اس کے رجال صحیح کے رجال ہیں البتہ حسن بصری نے سیدنا عبداللہ بن مسعود رضی اللہ عنہ سے سماع نہیں کیا ہے باقی اللہ بہتر جانتا ہے ۔