مجمع الزوائد ومنبع الفوائد

سیدنا عبداللہ بن عباس رضی اللہ عنہما بیان کرتے ہیں : پہلے لوگ اس بات کو مکروہ سمجھتے تھے کہ اپنے نسب مشرکین کے ساتھ ملائیں ان لوگوں نے اس بارے میں دریافت کیا انہیں اس بارے میں رخصت دے دی گئی اور یہ آیت نازل ہوئی : ان کو ہدایت دینا تمہارے ذمہ نہیں ہے لیکن اللہ تعالیٰ جسے چاہتا ہے اسے ہدایت دے دیتا ہے ، اور تم جو بھی بھلائی کرو گے تو اپنی ذات کے لئے کرو گے “ ۔ یہ آیت یہاں تک ہے : ” اور تم پر ظلم نہیں کیا جائے گا “ ۔
یہ روایت امام طبرانی نے اپنے استاد عبداللہ بن محمد بن سعید بن ابومریم کے حوالے سے نقل کی ہے ، اور وہ ضعیف ہے ۔
یہ روایت امام بزار نے اس کی مانند نقل کی ہے ، اور اس کے رجال ثقہ ہیں ۔