مجمع الزوائد ومنبع الفوائد

سیدنا معاذ بن جبل رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” اگر عربوں میں کسی ایک پر غلامی ثابت ہو جاتی ، تو آج وہ یا تو اسیر ہوتے یا فدیہ میں ہوتے “ ۔
یہ روایت امام طبرانی نے نقل کی ہے ۔ اس کی سند میں ایک راوی یزید بن عیاض ہے اور وہ کذاب ہے ۔

ابوافع بیان کرتے ہیں : سیدنا عمر بن خطاب رضی اللہ عنہ سیدنا عبداللہ بن عباس رضی اللہ عنہما کے ساتھ ٹیک لگائے ہوئے تھے ان کے پاس سیدنا عبداللہ بن عمرو رضی اللہ عنہ اور سیدنا سعید بن زید رضی اللہ عنہ بھی موجود تھے ۔ سیدنا عمر رضی اللہ عنہ نے فرمایا : تم یہ بات جان لو کہ میں نے کلالہ کے بارے میں کچھ نہیں کہا: ہے اور میں نے اپنے بعد خلیفہ مقرر نہیں کیا ہے میری وفات کے وقت عربوں کے جتنے قیدی ہوں گے وہ اللہ کے مال میں سے آزاد شمار ہوں گے ۔ ۔ ۔ ۔ ۔ ۔ ۔ ۔ ۔ اس کے بعد راوی نے پوری حدیث ذکر کی ہے ، جو اس سے پہلے وصیت سے متعلق باب میں گزر چکی ہے ۔
یہ روایت امام أحمد نے نقل کی ہے ۔ اس کی سند میں ایک راوی علی بن زید ہے اور اس کی نقل کردہ حدیث حسن ہے اور اس میں ضعف پایا جاتا ہے ۔