مجمع الزوائد ومنبع الفوائد

سیدنا عبداللہ بن عباس رضی اللہ عنہما بیان کرتے ہیں : نبی اکرم صلی اللہ علیہ وسلم کی ایک تلوار تھی جس کا قائمہ چاندی کا تھا ، اور جس کا دستے پر موجود حلقہ چاندی کا تھا ، اس کا نام ” ذوالفقار“ تھا ۔ نبی اکرم صلی اللہ علیہ وسلم کی ایک کمان تھی جس کا نام ” سداد “ تھا آپ کا ایک ترکش تھا ، جس کا نام ” جمع “ تھا آپ کی ایک زرہ تھی ، جس پر تانبا لگا ہوا تھا ، جس کا نام ” ذات الفضول “ تھا ، آپ کا ایک نیزہ تھا ، جس کا نام ” نبعاء “ تھا ، آپ کی ایک ڈھال تھی ، جس کا نام ” دفن “ تھا آپ کی ایک سفید ڈھال تھی اور اس کا نام ” موجز “ تھا آپ کا ایک سیاہ گھوڑا تھا ، جس کا نام ” سکب “ تھا ، آپ کی ایک زین تھی ، جس کا نام ” داح “ تھا ، آپ کا ایک سفید خچر تھا ، جس کا نام ” دلدل “ تھا ، آپ کی ایک اونٹنی تھی ، جس کا نام ” قصوی “ تھا ، آپ کی ایک دراز گوش ( یعنی گدھا ) تھا ، جس کا نام ” یعفور “ تھا ، آپ کا ایک بچھونا تھا ، جس کا نام ” کر “ تھا ، آپ کا ایک نیزہ تھا ، جس کا نام ” نمرہ “ تھا ، آپ کا ایک پیالہ تھا ، جس کا نام ” صادر تھا ، آپ کا ایک آئینہ تھا ، جس کا نام ” آئینہ تھا ، آپ کی ایک قینچی تھی ، جس کا نام ” جامع تھا ، آپ کی شوحط نامی درخت سے بنی ہوئی ایک چھڑی تھی ، جس کا نام ” ممشوق “ تھا ۔
یہ روایت امام طبرانی نے نقل کی ہے ، اس کی سند میں ایک راوی علی بن عروہ ہے اور وہ متروک ہے ۔