مجمع الزوائد ومنبع الفوائد

سیدنا ضمرہ بن ثعلبہ رضی اللہ عنہ بیان کرتے ہیں : وہ نبی اکرم صلی اللہ علیہ وسلم کی خدمت میں حاضر ہوئے ان کے جسم پر دو یمنی حلے تھے ۔ نبی اکرم صلی اللہ علیہ وسلم نے فرمایا : اے ضمرہ ! کیا تم یہ سمجھتے ہو کہ یہ تمہارے یہ دو کپڑے تمہیں جنت میں داخل کروا دیں گے ۔ انہوں نے عرض کی : یا رسول اللہ ! اگر آپ میرے لئے دعائے مغفرت کر دیں ، تو میں انہیں اتارنے سے پہلے نہیں بیٹھوں گا ۔ نبی اکرم صلی اللہ علیہ وسلم نے فرمایا : اے اللہ ! تو ضمرہ کی مغفرت کر دے ، تو وہ تیزی سے گئے ، اور انہوں نے انہیں اتار دیا ۔
یہ روایت امام أحمد نے نقل کی ہے ۔ اور اس کے رجال ثقہ ہیں ، البتہ بقیہ نامی راوی مدلس ہے ۔

سیدنا جریر بن عبداللہ رضی اللہ عنہ بیان کرتے ہیں : ایک شخص لباس پہنے گا ، اور وہ برہنہ ہو گا ( راوی بیان کرتے ہیں : ) ان کی مراد یہ تھی کہ اس نے پتلے کپڑے پہنے ہوں گے ۔
یہ روایت امام طبرانی نے نقل کی ہے ۔ اور اس کے رجال صحیح کے رجال ہیں ۔