مجمع الزوائد ومنبع الفوائد

ابومطر بیان کرتے ہیں : انہوں نے سیدنا علی رضی اللہ عنہ کو دیکھا کہ وہ ایک کمسن لڑکے کے پاس آئے ، اور اس سے تین درہم کے عوض میں انہوں نے ایک قمیص خریدی وہ انہوں نے پہن لی ، جو ان کی پنڈلی سے ٹخنوں تک تھی اسے پہننے کے وقت انہوں نے یہ پڑھا : ” ہر طرح کی حمد ، اللہ تعالیٰ کے مخصوص ہے ، جس نے مجھے لباس کے حوالے سے وہ چیز عطا کی ہے ، جس کے ذریعے میں لوگوں کے درمیان جمال اختیار کرتا ہوں ، اور اس کے ذریعے اپنی شرمگاہ کو ڈھانپ لیتا ہوں“ ان سے دریافت کیا گیا : کیا یہ چیز آپ اپنی ذات کے حوالے سے پڑھ رہے ہیں ؟ یا یہ نبی اکرم صلی اللہ علیہ وسلم کے حوالے سے روایت کرتے ہیں ؟ انہوں نے فرمایا : یہ وہ چیز ہے ، جو میں نے نبی اکرم صلی اللہ علیہ وسلم سے سنی ہے ، آپ صلی اللہ علیہ وسلم لباس پہنتے وقت یہ پڑھتے تھے :
” ہر طرح کی حمد ، اللہ تعالیٰ کے لئے مخصوص ہے ، جس نے مجھے لباس میں سے وہ عطا کیا ہے ، جس کے ذریعے میں لوگوں کے درمیان جمال اختیار کروں ، اور اس کے ذریعے اپنی شرمگاہ کو ڈھانپ لوں “ ۔
یہ روایت امام أحمد اور امام ابویعلیٰ نے نقل کی ہے ۔ تاہم انہوں نے یہ الفاظ نقل کیے ہیں : میں سیدنا علی رضی اللہ عنہ کے پاس تھا ہم بڑے بازار میں آئے سیدنا علی رضی اللہ عنہ ان میں سے ایک بڑی شخص کی عمر کے پاس آئے ، اور بولے : اے بڑی عمر کے شخص ! تم تین درہم کے عوض میں قمیص کے بارے میں میرے ساتھ اچھی طرح سودا کرو ، اس نے کہا: ٹھیک ہے اے امیر المؤمنین ! سیدنا علی رضی اللہ عنہ نے یہ دیکھا کہ وہ ان کو پہچان چکا ہے ، تو انہوں نے اس سے کچھ نہیں خریدا ، پھر وہ ایک کمسن لڑکے کے پاس آئے ۔ ۔ ۔ ۔ ۔ ۔ ۔ ۔ ۔ ۔ اس کے بعد راوی نے حسب سابق روایت نقل کی ہے ۔

ایک روایت میں یہ الفاظ ہیں : ” نبی اکرم صلی اللہ علیہ وسلم جب نیا کپڑا پہنتے تھے ۔ ۔ ۔ ۔ ۔ ۔ ۔ ۔ “ اس کی سند میں ایک راوی مختار بن نافع ہے ، اور وہ ضعیف ہے ۔

سیدنا عبداللہ بن عمر رضی اللہ عنہما بیان کرتے ہیں : سیدنا حذیفہ رضی اللہ عنہ نے نئے کپڑے پہنے ، تو یہ دعا پڑھی : ” ہر طرح کی حمد اللہ تعالیٰ کے مخصوص ہے جس نے میری شرمگاہ کو ڈھانپنے کا سامان عطا کیا اور مجھے اپنے بندوں کے درمیان جمال والی چیز عطا کی “ ۔ پھر انہوں نے یہ بات بیان کی کہ نبی اکرم صلی اللہ علیہ وسلم جب نیا لباس پہنتے تھے ، تو اس کی مانند کلمات پڑھتے تھے ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی ابوداؤد دائمی ہے ، اور وہ متروک ہے ۔

سیدہ عائشہ صدیقہ رضی اللہ عنہا بیان کرتی ہیں : نبی اکرم صلی اللہ علیہ وسلم نے ارشاد فرمایا : ” جب اللہ تعالیٰ کسی بندے پر کوئی نعمت کرے اور وہ بندہ یہ بات جانتا ہو کہ یہ نعمت اللہ تعالیٰ کی طرف سے ملی ہے ، تو اللہ تعالیٰ اس کی وجہ سے ، اس شخص کے حق میں شکر کو نوٹ کر لیتا ہے ۔ اس سے پہلے کہ اس نعمت کے حوالے سے بندہ اس کی حمد بیان کرے اور جب کوئی بندہ گناہ کا ارتکاب کرتا ہے ، اور پھر اس پر ندامت کا شکار ہوتا ہے ، تو اللہ تعالیٰ اس کے مغفرت طلب کرنے سے پہلے اس کی مغفرت کو نوٹ کر لیتا ہے ، اور جب کوئی بندہ ایک دینار یا نصف دینار کے عوض میں کوئی نیا کپڑا خریدے اور اس کو پہنتے وقت اللہ تعالیٰ کی حمد بیان کرے ، تو وہ کپڑا بھی اس کے گھٹنوں تک نہیں پہنچا ہو تاکہ اللہ تعالیٰ اس کی مغفرت کر دیتا ہے “ ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی سلیمان بن داؤد منقری ہے ، اور وہ ضعیف ہے ۔

سیدنا ابوامامہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” میری امت کا کوئی شخص بازار میں آئے گا وہ نصف دینار یا ایک تہائی دینار کے عوض میں قمیص خریدے گا پھر اس کو پہنتے وقت اللہ تعالیٰ کی حمد بیان کرے گا ، تو وہ قمیص ابھی اس کے گھٹنوں تک نہیں پہنچی ہو گی کہ اس کی مغفرت ہو جائے گی “ ۔
یہ روایت امام طبرانی نے نقل کی ہے ۔ اس کی سند میں ایک راوی جعفر بن زبیر ہے ، اور وہ متروک ہے ۔