مجمع الزوائد ومنبع الفوائد

سیدنا جابر رضی اللہ عنہ بیان کرتے ہیں : نبی اکرم صلی اللہ علیہ وسلم سیدہ ام سلمہ رضی اللہ عنہا ( راوی کو شک ہے شاید یہ الفاظ ہیں : ) سیدہ عائشہ رضی اللہ عنہا کے ہاں تشریف لائے وہاں ایک بچہ موجود تھا جس کے نتھنوں سے خون نکل رہا تھا ۔ نبی اکرم صلی اللہ علیہ وسلم نے دریافت کیا : اس کو کیا ہوا ہے ؟ لوگوں نے بتایا کہ اسے گلے کی تکلیف تھی یہاں ابومعاویہ نے اپنی روایت میں یہ الفاظ نقل کیے ہیں اس خاتون کے پاس ایک بچہ موجود تھا جس کے نتھنوں سے خون نکل رہا تھا ۔ نبی اکرم صلی اللہ علیہ وسلم نے دریافت کیا : یہ کس وجہ سے ہے لوگوں نے بتایا کہ اسے گلے کی تکلیف تھی نبی اکرم صلی اللہ علیہ وسلم نے فرمایا : تم اپنے بچوں کو کیوں عذاب دیتی ہو ؟ تم میں سے کسی ایک کے لئے یہ کافی ہے کہ وہ قسط ہندی لے کر اسے سات کھجوروں کے ساتھ ملا کر اسے دیدے ۔ ابن ابوعتبہ کہتے ہیں : پھر اُسے ناک میں ڈال دے ، ان لوگوں نے ایسا کیا ، تو وہ بچہ ٹھیک ہو گیا ۔
یہ روایت امام أحمد امام ابویعلیٰ اور امام بزار نے نقل کی ہے ۔ اور اس کے رجال صحیح کے رجال ہیں ۔

سیدہ عائشہ صدیقہ رضی اللہ عنہا بیان کرتی ہیں : ایک خاتون سیدہ عائشہ رضی اللہ عنہا کے ہاں تشریف لائی اس کے ساتھ ایک بچہ بھی تھا جس کے نتھنوں سے خون بہہ رہا تھا راوی بیان کرتے ہیں : نبی اکرم صلی اللہ علیہ وسلم نے دریافت کیا : تم اپنے بچوں کو کیوں اذیت پہنچاتی ہو کوئی عورت قسط بحری کیوں نہیں لیتی کہ پھر وہ اسے ، اس کے ناک میں ڈال دے ، کیونکہ اس میں سات دوائیوں کے حوالے سے شفاء ہے ( یا سات بیماریوں کی شفاء ہے ) جن میں سے ایک ذات الجنب ہے “ ۔
یہ روایت امام بزار نے نقل کی ہے ۔ اس کی سند میں ایک راوی مسعودی ہے ، اور وہ ثقہ ہے اس کو اختلاط لاحق ہو گیا تھا اس روایت کے بقیہ رجال ثقہ ہیں ۔