مجمع الزوائد ومنبع الفوائد

سیدنا ابوواقد رضی اللہ عنہ بیان کرتے ہیں : میں نبی اکرم صلی اللہ علیہ وسلم کے پاس بیٹھا ہوا تھا ایک صاحب نے عرض کی : یا رسول اللہ ! ہم ایسی سرزمین پر رہتے ہیں جہاں ہمیں بھوک لاحق ہو جاتی ہے ، تو مردار میں سے کیا استعمال کرنا ہمارے لئے درست ہو گا ۔ نبی اکرم صلی اللہ علیہ وسلم نے ارشاد فرمایا : جب تمہارے پاس پکانے کے لئے کچھ نہ ہو اور رات کے کھانے کے لئے کچھ نہ ہو اور سبزی بھی پکانے کے لئے نہ ہو ، تو پھر تم اسے استعمال کر سکتے ہو ۔
یہ روایت امام طبرانی نے نقل کی ہے ۔ اور اس کے رجال ثقہ ہیں ۔ ( علامہ ہیثمی فرماتے ہیں : ) میں یہ کہتا ہوں ۔ اس سے پہلے بہت سی احادیث گزر چکی ہیں جو جانوروں کا دودھ ان کے مالکان کی اجازت کے بغیر دوہنے کے بارے میں یا باغات میں سے کچھ کھا لینے کے بارے میں ہے ، اور اس کی مانند دیگر امور کے بارے میں ہیں یہ غصب اور خرید و فروخت سے متعلق باب میں گزری ہیں ۔