مجمع الزوائد ومنبع الفوائد

سیدنا عبداللہ بن عباس رضی اللہ عنہما بیان کرتے ہیں : نبی اکرم صلی اللہ علیہ وسلم کے پاس جب موسم کا پہلا پھل لایا جاتا تو آپ حاضرین میں موجود سب سے کمسن بچے کو وہ دیدیتے تھے ۔
یہ روایت امام طبرانی نے نقل کی ہے ۔ اور اس کے رجال صحیح کے رجال ہیں ۔

سیدنا عبداللہ بن عباس رضی اللہ عنہما بیان کرتے ہیں : نبی اکرم صلی اللہ علیہ وسلم کے پاس جب موسم کا پہلا پھل لایا جاتا تو آپ اس کو اپنے سامنے رکھتے تھے ، اور یہ دعا کرتے تھے : اے اللہ ! جس طرح ، تو نے اس کا ابتدائی حصہ ہمیں کھلایا ہے اس طرح اس کا آخری حصہ بھی ہمیں کھلانا پھر آپ اپنے اہل خانہ میں سے کمسن بچے کے بارے میں حکم دیتے تھے اور وہ پھل اس کو دیدیا جاتا تھا ) ۔
یہ روایت امام طبرانی نے معجم کبیر اور معجم صغیر میں نقل کی ہے ۔ تاہم انہوں نے یہ الفاظ زائد نقل کیے ہیں : ” جب آپ کے پاس موسم کا پہلا پھل لایا جاتا تھا تو آپ اسے بوسہ دیتے تھے اور اپنی آنکھوں پر لگاتے تھے “ ۔ معجم صغیر کے رجال صحیح کے رجال ہیں ۔