مجمع الزوائد ومنبع الفوائد

جمیل بن زید بیان کرتے ہیں : میں انصار سے تعلق رکھنے والے ایک شخص کے ساتھ رہا ہوں جمیل نے یہ بات ذکر کی ہے کہ انہیں صحابی ہونے کا شرف حاصل تھا ان کا نام سیدنا کعب بن زید رضی اللہ عنہ تھا ( راوی کو شک ہے شاید یہ الفاظ ہیں : ) سیدنا زید بن کعب تھا انہوں نے مجھے یہ حدیث بیان کی کہ نبی اکرم صلی اللہ علیہ وسلم نے بنوغفار سے تعلق رکھنے والی ایک عورت کے ساتھ شادی کی نبی اکرم صلی اللہ علیہ وسلم اس کے پاس تشریف لائے آپ نے اضافی لباس اتارا اور بستر پر بیٹھ گئے ، آپ نے اس کے پہلول میں ( برص کا ) سفید نشان ملاحظہ فرمایا ، تو آپ بستر سے اُٹھ گئے ، اور فرمایا : تم اپنے لباس کو سنبھالو ! ( راوی کہتے ہیں : ) نبی اکرم صلی اللہ علیہ وسلم نے اُسے جو دیا تھا ، اس میں سے کچھ بھی نہیں لیا ۔
یہ روایت امام أحمد نے نقل کی ہے ۔ اس میں جمیل نامی راوی ضعیف ہے ۔

جمیل بن زید بیان کرتے ہیں : سیدنا عبداللہ بن عمر رضی اللہ عنہما نے ہمیں یہ حدیث بیان کی ہے ۔ نبی اکرم صلی اللہ علیہ وسلم نے بنوغفار سے تعلق رکھنے والی ایک خاتون کے ساتھ شادی کی جب آپ اس کے پاس تشریف لائے ، تو آپ نے اس کے پہلو میں سفید داغ دیکھا تو آپ نے اسے واپس کر دیا اور فرمایا : تم لوگوں نے میرے ساتھ تدلیس کی ہے ۔ جمیل نامی راوی ضعیف ہے ۔

سیدنا سہل بن سعد رضی اللہ عنہ بیان کرتے ہیں : نبی اکرم صلی اللہ علیہ وسلم نے ایک دیہاتی خاتون کے ساتھ شادی کی آپ نے اس میں سفید داغ دیکھا تو آپ نے اس سے علیحدگی اختیار کر لی یہ اس کی رخصتی سے پہلے کی بات ہے ۔
یہ روایت امام طبرانی نے نقل کی ہے ۔ اس کی سند میں ایک راوی اسحاق بن ادریس اسواری ہے ، اور وہ کذاب ہے ۔