مجمع الزوائد ومنبع الفوائد

سیدنا واثلہ رضی اللہ عنہ بیان کرتے ہیں : نبی اکرم صلی اللہ علیہ وسلم اپنی اہلیہ سے یہ فرماتے تھے : تم پر سکینت اور وقار لازم ہے ۔
یہ روایت امام طبرانی نے نقل کی ہے ۔ اس کی سند میں ایک راوی معروف ابوخطاب ہے ، اور وہ ضعیف ہے ۔

سیدنا انس بن مالک رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جب تم میں سے کوئی ایک شخص اپنی بیوی کے ساتھ صحبت کرے ، تو اسے اُس کا خیال کرنا چاہیے ، جب وہ اپنی حاجت پوری کر لے اور عورت کی حاجت ابھی پوری نہ ہوئی ہو ، تو وہ شخص جلدی نہ کرے ، جب تک عورت کی حاجت پوری نہیں ہو جاتی “ ۔
یہ روایت امام ابویعلیٰ نے نقل کی ہے ۔ اس کی سند میں ایک راوی ایسا ہے جس کا نام بیان نہیں کیا گیا ہے اس روایت کے بقیہ رجال ثقہ ہیں ۔