مجمع الزوائد ومنبع الفوائد

سیدنا عبداللہ بن عباس رضی اللہ عنہما روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جس شخص کو تحفے کے طور پر کوئی چیز دی جائے ، اور اس کے پاس کچھ لوگ موجود ہوں ، تو اس تحفے میں وہ لوگ حصہ دار ہوں گے “ ۔
یہ روایت امام طبرانی نے معجم کبیر اور معجم اوسط میں نقل کی ہے ، اس کی سند میں ایک راوی مندل بن علی ہے اور وہ ضعیف ہے ، ویسے اس کی توثیق کی گئی ہے ۔

سیدنا امام حسن بن علی رضی اللہ عنہما روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جس شخص کے پاس کوئی تحفہ آئے اور اس کے پاس کچھ لوگ بیٹھے ہوئے ہوں ، تو وہ لوگ بھی اس تحفے میں شراکت دار ہوں گے “ ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی یحیی بن سعید عطار ہے اور وہ ضعیف ہے ۔