مجمع الزوائد ومنبع الفوائد

سیدنا عبداللہ بن عمر رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں : ” جب کوئی شخص مفلس ہو جائے ، پھر کوئی اپنا مال بعینہ پائے ( راوی کہتے ہیں : یعنی اس مفلس کے پاس پائے ) تو وہ اس مال کا زیادہ حق دار ہو گا “ ۔
یہ روایت امام بزار نے نقل کی ہے اور اس کے رجال صحیح کے رجال ہیں ۔

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص مفلس ہو جائے اور پھر کوئی شخص اپنا مال اس کے پاس پائے ، اور اس نے اپنے مال کا کوئی معاوضہ وصول نہ کیا ہو ، تو وہ اس مال کا زیادہ حق دار ہو گا “ ۔ ( علامہ ہیثمی فرماتے ہیں : ) میں یہ کہتا ہوں :
یہ روایت ” صحیح “ میں مذکور ہے تاہم اس میں یہ الفاظ نہیں ہے : ” اس نے اپنے مال میں سے کچھ بھی وصول نہ کیا ہو“ ۔
یہ روایت امام أحمد نے نقل کی ہے اور اس کے رجال صحیح کے رجال ہیں ۔