مجمع الزوائد ومنبع الفوائد

امام شعبی بیان کرتے ہیں : عتبہ بن فرقد نے دریائے فرات کے کنارے زمین خریدی اور وہاں عمارت بنا لی ( یا نرکل لگا دیا ) ، جب سیدنا عمر رضی اللہ عنہ تشریف لائے ، تو انہوں نے اس بات کا ذکر ان کے سامنے کیا کہ انہوں نے زمین خریدی ہے ، سیدنا عمر رضی اللہ عنہ نے ان سے دریافت کیا : تم نے وہ زمین کس سے خریدی ہے ؟ انہوں نے جواب دیا : اس کے مالکان ہے ، جب شام ہوئی اور سیدنا عمر رضی اللہ عنہ کے ساتھی اکھٹے ہوئے ، تو سیدنا عمر رضی اللہ عنہ نے عتبہ کو بلا لیا اور بولے : تم نے وہ زمین کس سے خریدی ہے ؟ انہوں نے جواب دیا : اس کے مالکان سے سیدنا عمر رضی اللہ عنہ نے ( اپنے ساتھیوں سے دریافت کیا : ) کیا تم لوگوں نے کچھ فروخت کیا ہے ؟ ان لوگوں نے جواب دیا : جی نہیں ! تو سیدنا عمر رضی اللہ عنہ نے فرمایا یہ لوگ اس زمین کے مالکان ہیں ، تو تم زمین اس شخص کو واپس کرو ، جس سے تم نے خریدی ہے اور قیمت قبضے میں لے لو ۔
یہ روایت امام طبرانی نے معجم کبیر میں نقل کی ہے اس کی سند میں ایک راوی بکیر بن عامر بجلی ہے ، جسے جمہور ائمہ نے ضعیف قرار دیا ہے امام أحمد سے یہ بات نقل کی گئی ہے کہ انہوں نے اس کی توثیق کی گئی ہے ، امام أحمد سے مستند روایت یہ منقول ہے کہ انہوں نے اسے ضعیف قرار دیا ہے ، باقی اللہ بہتر جانتا ہے ۔

سیدنا عبداللہ بن عمرو رضی اللہ عنہ بیان کرتے ہیں : انہوں نے سیدنا رافع بن خدیج رضی اللہ عنہ سے نبی اکرم صلی اللہ علیہ وسلم کے اس فرمان کے بارے میں دریافت کیا : جو عجمیوں کی سرزمین کے بارے میں ہے ، تو انہوں نے بتایا کہ نبی اکرم صلی اللہ علیہ وسلم نے عجمیوں کی زمین کو فروخت کرنے اسے خریدنے اور اسے کرائے پر دینے ( یا لینے ) سے منع کیا ہے ۔
یہ روایت امام طبرانی نے معجم کبیر میں نقل کی ہے اور اصل سماع میں
یہ روایت ساقط ہے ، اس کی سند میں ایک راوی بشر بن عمارہ خثعمی ہے اور وہ ضعیف ہے ۔

سیدنا عاصم بن عدی رضی اللہ عنہ بیان کرتے ہیں : میں نے اور میرے بھائی نے خیبر کے حصوں میں سے ایک سو حصے خرید لیے ، اس بات کی اطلاع نبی اکرم صلی اللہ علیہ وسلم کو ملی ، تو آپ نے ارشاد فرمایا : اے عاصم ! دو حملہ آور بھیٹریے ، جو بکریوں پر حملہ آور ہوں ، وہ بکریوں کے مالکان کا اس سے زیادہ نقصان نہیں کرتے ہیں ، جتنا مال اور شرف کی محبت ، آدمی کے دین کو خراب کرتی ہے ۔
یہ روایت امام طبرانی نے معجم کبیر اور معجم اوسط میں نقل کی ہے اور اس کی سند میں ایسا راوی ہے ، جس سے میں واقف نہیں ہوں ۔