مجمع الزوائد ومنبع الفوائد

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے ” مزدور کو اس کا معاوضہ اس کا پسینہ خشک ہونے سے پہلے دے دو “ ۔
یہ روایت امام ابویعلیٰ نے نقل کی ہے اس کی سند میں ایک راوی عبداللہ بن جعفر بن نجیح ہے ، جو علی بن مدینی کا والد ہے اور وہ ضعیف ہے ۔

سیدنا جابر رضی اللہ عنہ بیان کرتے ہیں : نبی اکرم صلی اللہ علیہ وسلم نے ارشاد فرمایا : ” مزدور کو اس کا معاوضہ اس کا پسینہ خشک ہونے سے پہلے دے دو “ ۔
یہ روایت امام طبرانی نے معجم اوسط میں نقل کی ہے اس کی سند میں ایک راوی شرقی بن قطامی ہے اور وہ ضعیف ہے ۔

سیدنا ابوہریرہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” کام کرنے والے کو اس کے کام میں سے ( اس کا حق ) دو کیونکہ اللہ کے لئے کام کرنے والا نامراد نہیں ہوتا “ ۔
یہ روایت امام أحمد نے نقل کی ہے اور اس کی سند حسن ہے اس کی سند میں ایک راوی ابن لہیعہ ہے اور اس کے بقیہ رجال صحیح کے رجال ہیں ۔